إجمالي مرات مشاهدة الصفحة

الأربعاء، 22 ديسمبر 2010

(12 ) السحــرُ بعينيــــكِ...



البوست المرادي
لازم لازم
تقروه
على نغمات
الكلييييب دا

وياترى ليه
الجزء دا اسمه

السحـــــــرُ بعينيـــــــــكِ

ونبتدي :


وفجأة

شابين معديين من قدامها و.. فرملت  حنين  عليهم .. فرملة جامدة..

و................؟

....؟

شافت نفسها فجاة .. قدامة.. زى ماهو بسحره .. مادد ايدة .. بصت لنفسها .. مستغربه لبسها وشعرها ..
كان فستانها رائع ..وجمالها ساحر .. قربت منه بتوتر.. 
وكأنه بيطلب يراقصها .. وبشوق جارف وعيونها بعيونها وتلمس ايده .. وخايفة تسأل دا حقيقة ولاّ مجرد أوهاااااااااااام ..

لكن ماقدرتش تمنع شوقها .. همســــــــــت : بـحـبـــــــــــــك...و سكت كل الكلام ..


حازم باشتياق.. وعيون بتلمع بدموع الحنين لعيون حنين:
وحشتيني ياعمري ..

بُــصيلي.. مـُشتاق لعنيكِ ..

احساسك .. اعصارك.. انفاسك.. همساتك..
أأأأااااه من عمر غدار .. هرب بدون أعذار .. 
بركاني بيكويني ..أشواقي وسنيني .. ارجوكِ حسيني ..
بردان دفيني .. برتجف ضميني .. تعبان داويني .. 
أه يا حنيني .. لو أمهلتنى سنيني .. أأأأة لو أمهلتني سنيني .. كنــــــــت..؟ افضل جنبك.. 
واجيب لعمري الف عمر واحبك.. 
وحدك ملكتِ قلبي وحياتى..

( يسكت ودموعه تسيل على خده ..وحنين تبص على اديها بخوف وترجع تبص ليه.. وصورته بتبعد وتتلاشى ..
تحاول لمسه من جديد .. 
أو.. 
أو.. 

تلاقي حاجز كبير شفاف ..
تتصدم بيه.. 

تخبط عليه تحاول تكسره ..عايزه تلحقه .. تصرخ : 
إرجع أرجوك

يقولها : خدي بالك من نفسك حنين..وحدي  اللي حاسس بيكِ

وحدي اللي حاسس بيكِ

(يردد الصدى صوته.. ويتلاشى

(حنين تدور عليه ..تناجيه..بدموع وألم : ماتسبنيش ..خدني معاك .. ارجوك.. حازم ..حازم ..

الشاب يستغرب: يا آنسة فوقي ..فوقي ..



(فتحت حنين عيونها بيأس..وحزن.. اتفاجئت بالشاب في وشها بيفوقها .. شاب غريب اوى نظراته ماليانه  حنان..او عيونه عنوان للشجن  .. طويل ..وسيم .. ومظهرة ولبسه بيقولنا انه انسان بسيط .. (كريم )..)

كريم: إنتِ كويسة ؟إتكلمي!!

حنين بتنهيدة:  أه.. الحمد لله (ونزلت من العربية:  فين اللي خبطة أنا ؟!

يوسف يضحك (وكريم رجع خطوتين ورا): أنا

حنين بدهشة: إنتَ ؟! إحنا هانهرج ؟ دا كان قدام العربية أنا خبطة

يوسف:  صاحبي شدني بسرعة! كان زماني تحت عجل عربيتك.. بس الغريب إنك إنتِ اللي يغمى عليكِ!

حنين: أنا آسفا أوي (كريم ساكت وبنظرات الحنين لحنين وكأنه بيعرفها من سنين وسنين )

يوسف: هو حضرتك ممثلة ؟

حنين بتوتر:  أيوة


(ووقعت نضارتها من إيدها ووطت تجبها ..وبسرعة وطى كريم قبلها وتقابلت عيونهم........ و إدهالها بابتسامه رقيقه )


حنين بتوتر أخدت  النضارة .. ولبست النضارة وركبت عربيتها وشاورت لهم بعدم اهتمام :سلام ..

ولكن ودعها كريم بنظرة امتنان وكأنه بيشكرها على الصدفة دي.. وفضل واقف لحد ماغابت العربية عن الطريق ..

ومشيت حنين وهى حزينه كان نفسها يفضل معاها ..او تروح معاه ..

وللحظات فكرت تسوق بسرعة ..بسرعة ...بسرعة يمكن ..  يحصل ..

ولكن بنفس الوقت تشعر بنبض جنينها بقوة ..وكأنه بيقولها ..
 لا يا امي ..
 هدت السرعة وبصت لبطنها بحنان .. وبصت لطريقها بتنهيدا مكتومه ..وضغطت على أسنانها بألم ..
 ووقفت ..
 وتبكي تبكي ..
 تصرخ بدون صوت .. وخرجت من عربيتها ..
 وهى منهارة وتنزل على الأرض .. وتتألم .. وبلحظه شافت جدتها بابتسامتها .. : ليه كدا ياحنين .. دا ربنا كبير يابنتى .. فين حنين اللي كانت في فرحها قبل حزنها  تلجأ لربها .. وتصلي فرضها .. بعدتي كتير ياحنين .. هو الوحيد اللي ممكن يحميكِ ويقويكِ ..

حنين مسحت دموعها وبصت للسما وقالت يارب سامحني ارجوك ..و قويني.. دا قضائك ..صبرني .. أنا ضعيفه أوي ..احميني ... أرجوك.. قويني ..
قويني..

قامت وركبت عربيتها  .. وكملت  على الشقة .. وكان عادل مستنيها على نار .. بتفتح الباب لاقته في وشها ..
 اضايقت..واتملكها الغضب ..
 شالت المفتاح في الشنطه وخلعت النضارة ودخلت ..

عادل:  كنتِ فين ياهانم؟ هيه وكاله من غير بواب؟

حنين :  كنت في المقابر بزور جوزي..

عادل:  إيه إيه ؟جوزك!

حنين: للأسف دي الحقيقة اللي مش هتقدر تغيرها

عادل قرب منها: يعني إيه ؟؟ إنتِ بتتحديني


حنين بضيق وتهكم: وأتحداك ليه؟ إنتا إيه أصلا عشان أتحداك..
 أنا باقول الحقيقة!
 أنا إتجوزت حازم وهو مات!
 وأنا بشهور العدة يعني ..
جوازك باطل

عادل بغضب:  إسمعي بأه! حقي هاخده وهاتنزلي الشغل ولو مش عجبك صدقيني ممكن تصحي في يوم تلاقي نفسك فقدتي حملك وإنتِ نايمه!ساعتها إخبطي راسك في الحيط!

حنين بسخرية:  يا حرام..
 لاء ..لاء.. لاء ..
 صعبت عليا ..

(بنظرات التهكم :
 إنت هتجنن عليا أوي كدا..
 أوووووووه .. مسكيين..

(غيرت لهجتها وبصت بعيونه وبقوه وحزم ووعيد وكملت )

طب اسمع بأه اللي هاقولهولك ,و افهمه كويس أوي وبراحة أوي أوي..اوى

كونك تقرب مني.. تبقى بتحلم..
 وأنصحك تفووق من أوهامك!
 كونك تقرب من اللي في بطني قسماً برب العزة لأدفعك عمرك كله ولا يهمني شيء..
 ولو بجد شاطر حاول ووريني....

إن كنت سكت في الأول فعشان تهديدك وقولت أوقعك في شر أعمالك.. (يبصلها باستغراب وسخريه)
... إيه؟
 مش مصدق؟ أقولك إزاي؟

تقدر تقول للناس إنك إتجوزت مرات صاحبك اللي حامل منه؟ وقبلت على كرامتك إنك تجبرها على العيشة معاك.. وجوازك منها باطل ومالوش أي أساس لأنه تم بشهور العدة
هه!

جرى إيه يا.............سيادة المخرج الكبير ماتفووق!

وعلى رأى حازم الله يرحمه قالك:  إنت ماتعرفش حنين!
 وانت اللي جيت لحدي و رميت نفسك بالنار.. سكوتي مش ضعف مني.. وإن افتكرت غير كدا تبقى غلطان!
ولو قالولك إن عضمتي طريه يبقى خدعوك فقالوا..!
  ولو فقدت جنيني بسببك اعرف إني هاعيش فالدنيا بس.. عشان أكون سبب تعاستك!
 وكرمان  لهدم حياتك.. ياااااااا؟

ودخلت غرفتها وقفلت وعادل النار قادت فيه! ونزل بسرعة راح البار وقعد يفكر...



وبعد تفكير جامد وصل لقرار واحد ..
مافهوش رجعة!.......

؟؟


أما كريم ويوسف في طريقهم لبيت كريم.. اللي مانطقش بولا كلمة!
وعيونه سكنها الحنين لحنين!!

يوسف:  كريم كريم!(وبصوت عالي)كــــــــــــــــــريم!

كريم: إيه مالك؟ بطل إزعاج بأه

يوسف: مانا عمال أكلمك وانت سرحان! إيه يا عم رميو  مالـــــــك!من نظرة عين... هاتقع ولاّ إيه يا تقيل!

كريم:  بطل تفاهة وقفل على الموضوع دا.

يوسف:  طب قولي ناوي تشتغل إيه؟

كريم:  في التمثيل طبعا! أمال كنت بدرس في معهد التمثيل ليه؟عشان أشتغل خباز ولاّ بياع بليلة!
يوسف:  خلاص يا معلم مش تتنطت علينا

كريم تعرف أنا نفسي أبقى ممثل مشهور ويبقى ليا في كل بلد بيت, وأعوض أمي عن أيام

الشقى!(وافتكر أمه)! أه أمي.. يل بسرعة إتأخرنا عليها وهي تعبانه

(وجري على بيته وكانت شقته دور أرضي جدا..  ويكاد يكون مافيش أساس! ودخل على أمه اللي كانت نايمه ومن غير ماتشوفة قالت:  كدا يا كريم إتاخرت عليا ؟

كريم قرب منها يبوس إيدها: سامحيني يا أمي  وإداها الدوا

رحمة:  ربنا يكرمك ياضنايا وينولك اللي في بالك

كريم:  يارب يا أمي ..........................

وتمر الأيام ومافيش كلام ولا سلام بين حنين وعادل وكل واحد منهم لوحده! لكن حنين بدأت قراية سيناريو جديد باسم

(السِـحــــرُ بعينيــــكِ )

وعجبها أوي الاسم وقعدت مع المخرج وكان اسمه محسن.. يقولها كل المطلوب لتنفيذ شخصية البطلة! واخدت حنين السيناريو البيت .. وتمر الأيام وكان عادل مشغول بالإشراف على إنشاء بلاتوه جديد جدا بمواصفات خاصة  ...............

وتمر الأيام وعادل نزل إعلان عشان البطل لازم يكون وجه جديد! (يا ترى إيه  السر وجه جديد وبلاتوه على أحدث طراز..

ومن أجمل البلاتوهات  ........؟؟؟

؟

؟

؟

تابعوني

هناك 28 تعليقًا:

رحاب صالح يقول...

WOW
واو
بجد روعة
كل شوية مفاجأة كدة يا حنين
قصدي يا اسماء بجد جميلة
وعلي فكرة اختي كمان شافت جزء من القصة وعجبها وهتابع معايا
صباح الورد يا جميييييييييييل
اول تعليق اهوه ع الصبح
عايزة حاجة حلوة بأه

Dr/ walaa salah يقول...

كل شويه تقطعي حبل التركيز كده

ماشي يا سوسو

الجزء جميل اوي

بس بصراحه مش عارفه افرح لحنين انها هتلاقي حد تحبه بجد زي كريم

ولا ازعل انها ممكن في يوم تنسى حازم

مش عارفه بصراحه شعوري متلغبط اوي

بس عجبني اوي قوة حنين مع عادل

منتظره يا سوسو الجزء اللي جاي

متتأخريش يا قمر

Mona Hekal يقول...

الله الله
حلقة هايلة و حلوة اوي قوة حنين و صلابتها ايوه كده
و طبعا الوجه الجديد كريم و قصة حب الله اعلم رايحه لفين
تسلم ايدك
اخرتيني علي النزول للولاد بس مش مشكلة الحلقة تستاهل المدرسه مش هاتجري اهم يلعبوا شوية :))
تحياتي الخالصة

شهر زاد يقول...

أسماء
أعلن على صفحات مدونتك عن اعجابي الشديد بكتاباتك وبقصصك الي بتخليني أعيش الأحداث والحركات والصوت والهمسات

انت بالفعل قصاصة رائعة

اتمنى لك التوفيق
وعلى فكره انا حفضل أتابعك دايما أول بأول لو سمحت لي
تحياتي

وداد يقول...

جميل جدا البوست ده

فرحت جدا بتصرف حنين مع عادل

وعجبني اوي حلم حنين مع حازم

وفجأة تصحى على وجود كريم

اكيد ربنا هيعوضها بكريم

وهيقابلوا بعض في التمثيل

بجد انتي رائعة يا سمسمه

دمتي لنا قلم مميز

ʚϊɞ آلاء الْعَسَّاف ʚϊɞ يقول...

السلام عليكم ورحمة الله و بركاته

واااااااو وااااااااو عنجد كل بوست بتخلي القصة تصير مشوقة اكتر تسلم الايادي ... يا ترى قصة حب جديدة بين كريم و حنين !!!


انتظر البوست القادم بشووووووووووق .. مودتي

هبة فاروق يقول...

حلقة هايلة بجد ومفاجات جديدة
دايما فى كل حلقة ...بجد انت اديبة رائعة شكرا لك يا قمر

ليلى الصباحى.. lolocat يقول...

السلام عليكم
اعتذر اولا لتقصيرى فى التعليق لكن كنت اتابع فى صمت :)

جميلة اختياراتك فى الصور والفيديوهات المصاحبة لكلامك احييك

اسلوبك يا اسماء رائع جدا وقصتك تأخذنا لعالم من الحنين فعلا ماشاء الله

يسلم احساسك وقلمك ياغالية

يارب متألقة دايما

شمس النهار يقول...

ماشاء الله عليكي يااسماء عندك قدرة علي استحضار الاشخاص
وتشبيك الاحداث بطريقه رائعه

:))

Unknown يقول...

حلقة النهارده من أجمل الحلقات و أكتر حاجه عجبتني هي قوة حنين
برافو عليكي أحداثك متشابكه و جميله
تحياتي ليكي يا أجمل سوسو

حاجات جوايا يقول...

مش عارفة اقول ايه
فنانة فنانة يا سمسم
حلقة جميلة جداااااااا
واللى قبلها برضه جميلة جداااااااا
كل حلقة بتكتبيها احلى من اللى قبلها
وفيها مفاجآت اكبر
انتى كنتى فين من زمان
كنتى تايهة عنا فين
دمتى مبدعة يا قمر
تحياتى ليكى

اسماء عبدالعزيز يقول...

حبيبة قلبي الجميلة صاحبة القلم الجرئ
رحاب صالح
تسلميلي ياعمرى على متابعتك وسعيده جدا انها نالت اعجابك ياقمرى
وطبعا يشرفنى ان اختك تتابع معايا الرواية ..ويارب تعجبها
كل السعاده لقبلك الجميل
دمت بحب

اسماء عبدالعزيز يقول...

دكتورتى الجميلى لولو
هو انا اقدر ياقمر اقطع عليكِ التركيز
ولا يهمك ياقمر المهم ان الحلقه عجبتك يسكر واتمنى ان الجاى يعجبك ايضا
بالنسبه لكريم وحنين انتِ مش حابه يكون بينهم شيء

الحب موجود آه وبكل صدق لكن
تفتكرى الدنيا بتقف على حد

عامتا هنشوف ايه هيحصل بين كريم وحنين
وعادل
و.....
و.....


دمت بكل الحب ياعمري

اسماء عبدالعزيز يقول...

حبيبة قلبي الجميلة والغالية على قلبى
منى ابوالسعود
ياحياتى انا سعيده جدا انها عجبتك ولكن اسفا على التأخير عن الولاد
ربي يحفظهم من كل شر
ويسعد قلبك
تبلى اجمل باقات الورود لقلبك الجميل
دمت بحب

اسماء عبدالعزيز يقول...

حبيبة قلبي شهرزاد الجميلة
انا سعيده جدا ياعمرى ان كتاباتي بتعجبك ويشرفنى دائما وجودك بصفحاتي
واشكرك كثيرا على كلامك الراقي الي اخجلنى كثيرا
دمت بكل الحب والرقي

اسماء عبدالعزيز يقول...

حبيبة قلبي ولوعتى الجميلة وداد
وحشتيني ياقمرى بجد انتِ جميلة وحسك الفنى عالى جدا
فعلا هيتقابلوا وهيحصل حاجات كتير لكن تفتكرى
لح دلوقتى مافيش غير حنين
تفتكرى في حد تانى هيظهر في الرواية
حبيبتي اشكرك على المتابعه وعلى كلامك الجميل وطيب قلبك
دمت بكل الحب

اسماء عبدالعزيز يقول...

حبيبتي الجميلة آلاء العساف
يشرفنى حبيبتي مرورك الجميل
ويسعدني كثيرا ان الروايه نالت اعجابك لحد دلوقتي ..
اتمنى ان تنال اعجابك للنهايه
كونى بكل الخير والحب ياعمرى

اسماء عبدالعزيز يقول...

حبيبة قلبي الجميلة هبه فاروق
تسلميلي ياقمرى على المتابعه وكلامك الرقيق
دمت بكل الحب ياعمرى

اسماء عبدالعزيز يقول...

حبيبة قلبي ام هريرة وحشتيني ياقمرى
انا بس قلقت عليكِ ياسكر
بجد بتنوري المدونه بتواجدك فيها
انا سعيده ان زوقي وكلماتى نال اعجابك
ربي يسعد قلبك وتنالى كل ماتتمنى
كونى بكل الخير حبيبتي

اسماء عبدالعزيز يقول...

حبيبة قلبي الغالية سمش النهار
انرتينا ياعمرى
اشكرك على المتابعه وعلى زوقك وعباراتك
دمت بكل الخير واسعد الله قلبك

اسماء عبدالعزيز يقول...

حبيبة قلبي الجميلة وصديقتى
شرين سامي
تسلميلي ياعمرى على متابعتك وكلامك الرقيق ..
سعيده انها نالت اعجابك يقمرى ويارب للنهايه

دمت بكل الحب واسعد الله قلبك الجميل

اسماء عبدالعزيز يقول...

حبيبة قلبي الجميلة حاجات جوايا
بجد انتِ الأجمل والأروع
بصراحه بحس انكم (انتِ وفريق ليالي مصرية ) افضل منى بكثير لأنكم بتقدروا على العمل الجماعي .. ودا عندى صعب جدا بجد الله يزيدكم ابداع وتميز

انا سعيده ان الحلقات عجبتك ياقمرى
واتمنى باقيها ايضا ينال اعجابك
مازلنا في منتصف الطريق
حبيبتي كونى دائما بخير
اسعد الله قلبك الجميل

ميس فلسطين يقول...

تسلمي حبيبتي اسماء عنجد كتير روعه

ولكلام جدا جميل
تحياتي يا قمر

غير معرف يقول...

اسماء
الحلقه المرة دى فيها تحدى وقوة من حنين ودا شىء جميل جدااا

بس اللى مزعلنى انها ممكن تنسى حازم بحب جديد

اكيد البطل الجديد كريم
واكيد هيحبها .....
بس يا ترى هى هتحبه ؟؟؟؟

تجسيدك للقصه ف منتهى الروعه
يا كاتبتنا المتألقه

*****

Carmen يقول...

سرد هايل حبيبتي حسيت ببعض امل بدأ ينبض من جديد
تسلم ايدك في انتظار القادم باذن الله

اسماء عبدالعزيز يقول...

الحب الجميل
حبيبتي اشكرك على طيب نفسك وجمال احساسك وعلى المتابعه التى تسعدنى كثيرا
فعلا هو البطل .. وياترى هتحبه ولا لا
هيجاوب عليها الجزء اللى جاى او الحلقه اللى جاية
تفتكرى م السهل ننسى اعز مالينا
ممكن ماننساهم لكن الحياة لازم تتعاش
دمت بكل الحب والود واراح الله قلبك من كل هم

اسماء عبدالعزيز يقول...

ميس فلسطين الجميلة
اشكرك حبيبتي على المتابعه وكلامك الراقى
دمت بكل الخير والحب

اسماء عبدالعزيز يقول...

حبيبة قلبي والشاعرة الجميلة كارمن
تسلميلي ياقلبي على المتابعه وعلى كلامك الرقيق
ممكن يكون فعلا بارقة امل ولكن
ياترى حنين هتستغلها

كونى بكل الخير والحب