إجمالي مرات مشاهدة الصفحة

الاثنين، 13 ديسمبر 2010

( 10 ) قـســــــــوة..





حنين تبكي اكتر.................... و تتفاجئ بإيد على كتفها............؟

 مش كفاية حزن باه ؟ مش هنشوف شغلنا ولاّ إيه؟

إلتفتت لقت عادل نزلت ايده و............وإلتفتت للبحر بضيق: عرفت مكاني منين؟

عادل: من يوم ما خرجتي من المستشفى وإنتِ هنا! وقولت أسيبك لما تفوقي من أحزانك

حنين: عايز إيه يا عادل؟

عادل: ترجعي بأه ونشوف شغلنا! في أعمال كتيرة معروضة عليكِ! لازم ندرسها وتشوفي هتقبلي إيه؟

حنين ولسه ضهرها ليه: بعدين يا عادل!مش وقته

عادل  بعصبيه: وإمته هايجي وقته؟ ممكن تقوليلي هاصبر لحد إمته؟

حنين ببرود: وإنت مزعل نفسك ليه ؟؟ دا مستقبلك ولاّ ومستقبلي؟

عادل بتودد:  افهميني أنا بحبك (إلتفتت حنين بحركة حادة وقالت: إياك أسمعها منك! أنا قلبي مات مع حازم! ماتفتكرش إني ممكن أحبك في يوم من الأيام ..

عادل: ليه القسوة دي ؟! أنا كنت بحبك من قبله واحترمت العلاقة دي وبعدت عنك!! أما دلوقتي فهو مات خلاص هاستنى إيه ؟

حنين بحزم:  حازم مامتش ولا هيموت! وأنا هاعيش لحازم الصغير وبس

عادل بعصبية:  نعم ياختي!حازم إيه ؟!ودا فين دا ؟!

حنين بجديه شاورت على بطنها:  هنا! قطعة من حازم جوايا! و هحافظ عليها بعمري
عادل صُعق وعلى غفلة من حنين ضربها بالألم بكل قوته وصرخت حنين!:  إنت إجننت

عادل: طبعا إجننت..انتِ خليتي فيا عقل .. حصل إمته وفين وأنا كنت فين؟ دانا مكنتش بفارقكم أبدا!

حنين ببكي:  وإنت مالك كنت ولي أمري!؟

عادل شدها من شعرها: تعالي معايا حالا! وركبها العربية بقسوة! وساق بسرعة جنونيه وهو هيموت من الضيق ..وراح على شقتها وطلعت وفتحت الخدامة ودخلت حنين ووراها عادل 

وبعصبية نادي على جدتها:  تعالي شوفي حفيدتك الهانم حامل باعت نفسها لحازم واهو مات!! وساب لها العار وضياع سمعتها!

حنين:  اخرس قطع لسانك! أنا مراته

عادل: حازم مش يتجوز اللي زيك! يخطبك شوية ماشي! يلعب بيكِ شويتين أوكي! لكن لما يتجوز,,, يتجوز اللي تليق بيه!  إنتِ نسيتي نفسك!ثم إن لو كلامك صحيح فين اللي يثبت ؟

كريمة بغضب:  ردي ؟


حنين:  حازم جوزي متجوزين عرفي قبل ما يموت (وتبكي ) صدقيني يا نينى

عادل:  هه!والله عال آخرك ورقة عرفي!و فين اللي يثبت كلامك لو فرضنا إنك صادقة

حنين لجدتها:  نينى أنا مش كدابة هاجبلك اللي يثبت (بصت لها كريمة باتهام.. وهي جريت على غرفتها وجابت الورقة اللي....................


 أخدها  منها عادل :  هه! ورقة جواز عرفي! أكيد مزورة لإنها قبل وفاته بيوم واحد والمريض في الوقت دا بيكون مش واعي للي ب يعمله .. لأنها بتبقى صحوة موت وأهلة هيشككوا فيها ويقولوا إنك عملتي كدا عشان تورثيه لأنك كنتِ عارفا كويس إنه هيموت و...........

( قطّع عادل الورقة وحنين تصرخ .. ونزلت على الأرض..  وتصرخ حرام عليك تضيع حق ابني أنا مش عايزة منهم حاجة أنا كفيلة أربي ابني!  الورقة دي هيه المستند الوحيد عشان أثبته باسم حازم! حرام عليك وتصرخ ) كريمة متأذية أوي من اللي عملة عادل..ومن موقف حنين 


عادل:  اسمعي إنتِ دلوقتي مش البنت التافهة بتاعة زمان لااااا! إنتِ دلوقتي ممثله ليكِ اسمك وسمعتك! الجرايد والمجلات يتمنوا خبر زي دا! الفنانة الصاعدة تنتظر طفلا مجهول الأب! واصرخي من هنا لبكرة محدش ها يخلصك مني غير حل واحد وفكري فيه

حنين وقفت واستجمعت قوتها:  وإيه يجبرني أنفذ كلامك!إنت ولا حاجة!

عادل بعصبية مسكها من شعرها:  لما تتكلمي معايا تتكلمي بأدب أنا مش حازم الضعيف التافه

 ( حنين تقاطعه بصراخها:  اخرس قطع لسانك!)

 اسمعي أنا كل حاجة فاهمه أنا قدرك! واللي هيجبرك اللي فبطنك دا!!

تسمعي كلامي أسيبه يشرف الدنيا وأكتبه باسمي كمان و احميكِ من الفضايح!

ما تسمعيش كلامي يبقى استحملي بأه أبواب جهنم! أولا هانزل حملك و هسوء سمعتك 

وأهدم مستقبلك! وممكن أعمل حاجات كتير أوي مش تتخيليها! إنتِ ليا أنا! بتاعتي أنا!

نتجوز قدام الناس الخميس الجاي والمولود هاكتبه باسمي!ومش مشكلة أنا موافق أبقى 

مكان حازم وأبو ابنه أو بنته! وكله عشانك يا حلوه
!

حنين:  عمرك ماتاخد مكانه ولا ابنه يتسمى على اسمك!

عادل:  جربي وإنتِ تشوفي!

كريمة:  كفاية يابني لحد كدا! مايصحش ........... كفاية بأه
 عادل:  أنصحك تعقليها! سلام (وخرج ورزع الباب )



والغريب إنه بنفس الوقت دا.. مروه جوزها محمد يتصل بيها ويقولها انه جاي  بكرة! وتلم حاجتها وحاجة بنتها من بيت مجدي وهو سهران في الشغل! وتدور على ورق الجواز ولأن مجدي مكنش مخونها!لقت الورقتين بالدولاب قطعتهم واخدت حاجتها وخرجت

ولما رجع مجدي مش لاقاها دور عليها بالبيت كله مش لاقاها! ودور على الورق مش لاقاهم عرف إنها هجرته بدون إنذار! بقى حزين جدا وبعد كام يوم فكر يروح لها شقتها القديمة يسأل عليها

 مروه مروقه أوي وعايشه مع محمد ولا أكنها عملت حاجة ورن جرس الباب فتح محمد الباب 

محمد:  نعم

مجدي:  إنت مين؟

محمد:  إنت اللي مين؟ إنت جاى تخبط عليا في بيتي وتسألني أنا مين دا إيه الذكاء دا!

مجدي: لو سمحت بدون غلط!دا بيت مراتي

محمد: نعم ياخويا!مراتك!

مجدي: أه

محمد: مروة....... يا مروة

مروه:  نعم يا حمادة

محمد تعالى شوفي الراجل دا بيقول إيه ؟

وطلعت مروة من جوه بلبس البيت واللبانة في بؤها.. وبصت لمجدي من فوق لتحت وأكنها ماتعرفوش:  مين دا يا حمادة؟

مجدي:  أنا جوزك يا مروة.. إيه نسيتي! ومين دا؟  إنتِ مش كنتِ بتقولي إنك أرملة!
مروه: جرا إيه يا حمادة إنت سايب الراجل دا يخرف


محمد إتخانق مع مجدي اللي مشي حزين ومش عارف إزاي ضحكت عليه مروة بالشكل دا , وازاي ياخد حقه! ولما روح, الناس قالوا له بلغ عنها وإحنا ها نشهد معاك و فعلا بلغ البوليس بنفس اليوم .. 

وراح البوكس خدها هيه وجوزها وبعد التحقيق اللي استمر تلت أيام اكتشفوا إنها كدابة! 

وجيران مجدي شهدوا إنها كانت مقيمه معاه بالشقة لمدة سنه أما محمد الزوج المخدوع صُعق رمى عليها يمين الطلاق واتحكم عليها ب3سنين سجن



وبنفس اليوم كان فرح حنين بأكبر الفنادق لأنها وافقت على عرض عادل عشان تحافظ على الجنين......و

ويوم الفرح والكل مبسوط وفرحان كانت حنين أتعس البشر!
وعدت حازم إنها ماتكُنش لحد غيرة..  لكن تعمل إيه عشان تحافظ على الجنين اللي باقي من ريحته...  وجدتها كريمة كانت حزينة جدا عليها وعلى اللي بيحص لها .. 

فجأة..

 وقعت كريمة مكانها.. وقف قلبها .. وتقلب الفرح ميتم!
وطلبوا الإسعاف ونقلوها على المستشفى للكشف وتصاريح الدفن وتفض الفرح!! والصبح ها يدفنوا جدتها! وحنين تبكي وحزن الدنيا تضاعف عليها! الصدر الحنون راح هو كمان ..

مين هيبقى لها؟


ووصلت قذارة عادل إنه مش مقدر حزنها وعايز حقه الشرعى.. ودا كرّه حنين فيه أكتر وأكتر! ولكن حنين ما ستسلمتش له وقفلت على نفسها الباب!
و......

الغيظ أكل قلبه وقعد يفكر إزاي يدمر كل ذكرى لحازم بحياة حنين عشان تبقى له لوحده!!

 وفكر انه ....
؟
؟
؟

ياترى فكر في إيه ؟

وهيعمل ايه؟

وحنين ردها هيكون ايه؟

 انتظروني بالحلقة القادمه بأمر الله

اسماء عبدالعزيز

هناك 35 تعليقًا:

أشرف محيي الدين يقول...

الكاتبة المتألقة أسماء

ترتفع وتيرة التشويق في الرواية مع كل تدوينة منها وبشكل أقل مايوصف بالروعة ...

كل الود

همسات وبحــ الحياه ــر يقول...

وااااااااااااااااااااااااو

القصه بتحلو وبتذداد تشويق ياقمرى

تسلم ايدك

Mona Hekal يقول...

قسوة صح ايه كمية القسوة دي حرام هي ناقصة عذاب
عادل ده بقي عاوز قلمين علي وشه
تسلم ايدك بجد انا بعيش معاكي حالة و بدخل الاحداث بقلبي ومشاعري
احترام من القلب

Carmen يقول...

رائعة انت دائما حبيبتي
ادمعت عيني لكلماتك
في انتظار باقي الرواية باذن الله

غير معرف يقول...

مش عجبنى موقف عادل نهائى
منين بيحبها ويقسو عليها بشده كدا
فى قسوة بنحس بيها بخوف اللى ادمنا علينا
لكن بالضرب وشد الشعر دا قمة القسوة والغل

اما مروة فتستاهل اللى جرالها

جميله الحلقه يا اسماء
تسلم ايديك بجد
متابع

شهر زاد يقول...

أسماء عزيزتي
سلمت أناملك على هذالابداع الذي يلامس الفؤاد فيشده ويحرك الاحساس ليسافر مع حنين الى عمق الحزن
متشوقة لتتمة القصة

شهر زاد يقول...

أسماء عزيزتي
سلمت أناملك على هذالابداع الذي يلامس الفؤاد فيشده ويحرك الاحساس ليسافر مع حنين الى عمق الحزن
متشوقة لتتمة القصة

وداد يقول...

سمسمه حبيبتي

ايوة كده مفيش عياط اوي المرة دي

حنين يا عيني فقدت أعز اتنين في حياتها

وعادل الله يسامحه متوحش واناني جدا

عايز حنين ليه هو بس

واكيد هيحاول ينزل الجنين بأي طريقة

اما مروة بقى فأنا فرحانه فيها جدا جدا

ياريت كانت اخدت ااعدام ولا مؤبد

ههههههههههه

والله تستاهل

منتظراكي يا سمسمه يا جميلة

Unknown يقول...

حلقه جميله يا سمسمه و أحداثها سريعه و محبوكه بس أنا بجد اتخنقت من عادل ده بأي حق يعمل كده و بصراحه هي مهما كانت محتاجه مكنش مفروض تتجوز انسان زي ده حتى لو هتموت...كان نفسي تهرب منه أو تبلغ عنه أو أي حاجه ايجابيه
شوقتينا أكتر أنا في الانتظار

✿ ثلاثـہ أنامل وقلم ✿ يقول...

السلام عليكم ورحمة الله و بركاته

غاليتي اسماء :‘( صدمتيني بموت حازم في البوست اللي قبله و مليئ بالاحزان

تستاهل مروة و الله هلأ فرحت يخرب بيتها قد ما غازتني ... ايضاً عادل اسم على غير مسمى يخرب بيته شو انتهازي .. الحلقة هاي برضوا مؤلمة جدّاً .. غاليتي انتظر البوست القادم بشووووووووووق .. الرواية رائعة دمتي متألقة✿مودتي

هبة فاروق يقول...

حلقة تحفة بجد انتى كاتبة جميلة ورائعة
تسلم ايديكى يا قمر امتعتينى بجد
متابعة معاكى سلام يا سكر

حاجات جوايا يقول...

ياربى
درجة قسوة رهيبة فى الحلقة دى
قمة القسوة فعلا
عادل ده عايز يتضرب
سيبونى عليه بس هههههه

صعبت عليا اوى حنين النهارده
هى ملطشة معاها علطول كده

الحلقة رائعة كالعادة يا سمسم
واجمل ما فى اسلوبك انك بتعيشينا فى الاحداث بتفاصيلها الدقيقة
ربنا يزيدك يا قمر


لو تنضمى معانا لفريق ليالى مصرية يبقى لنا الشرف يا قمر
ونبقى كسبنا قلم له مذاق خاص

مدونة ليالى مصرية
http://laialy-masrya.blogspot.com/

كونى دائما بخير

شمس النهار يقول...

هايلة يااسماء

بس موضوع مروة كان عايز يطول اكتر من كده شويه
ياخد حقه شويه
علشان دي بقت مشكله كبيرة في المجتمع


بس برافوا عليكي
:)

Dr/ walaa salah يقول...

عاجبك كده اديني نهيت الليله بعياط

افرحي يا سوسو

ايه يا بنتي هو في حد مسلطك عليا

قلبتي الحكايه ليه كده

دا انا فرحت ان حنين خلاص لقت حازم


اوعي تخلي عادل يموت اللي في بطن حنين الله يكرمك ده اللي فاضل من حازم

منتظراكي

اسماء عبدالعزيز يقول...

اخي الكريم \ اشرف محيي
اشكرك كثيرا على مرورك الكريم وكلامك الراقي
دمت بكل الخير

اسماء عبدالعزيز يقول...

توتا حبيبتي
وحشتينى ياقمرى
نورتي يسكر
يسلملى مرورك الجميل
كوني بخير

اسماء عبدالعزيز يقول...

حبيبة قلبي الجميلة \ منى ابوالسعود
نورتي المدونه ياقلبي .. وسعيده جدا بمتابعتك .. وآسفا ان كان الجزء قاسي شوية لكن ماهى الدنيا كدا تفرحنا عشان تبكينا
وتوعدنا عشان تخلى بينا

حبيبة قلبي ربي يعطيكِ ماتتمنى ويسعد ايامك
كوني بخير

اسماء عبدالعزيز يقول...

حبيبة قلبي كارمن الجميلة
مرورك هو الاروع ياعمرى .. سلم احساسك ورقة مشاعرك

ربي يعطيكِ ماتتمنى ويسعد ايامك ياقمرى

اتمنى باقيها ينال اعجابك
كونى بخير

اسماء عبدالعزيز يقول...

حبيبتي الحب الجميل
سعيده جدا بان الحلقه نالت اعجابك
حبيبة قلبي اللى بيحب انسان عمرة مايقدر يقسو عليه
ولكن هنا حب عادل حب اناني وامتلاك وسيتضح لكِ من باقى الحداث طبيعته وهل هو من ذاك النوع الذي يستطيع ان يحب ويضحى من اجل من يحب م لا

الحب تضحيه .. وليس انانية
كوني بكل الخير حبيبتي

اسماء عبدالعزيز يقول...

حبيبة قلبي شهرزاد الجميلة
انرتى المدونه ياقمرى والأجمل منها انك هنا
وانها نالت اعجابك واتمنى هذا للنهايه
كوني بخير حبيبتي

اسماء عبدالعزيز يقول...

حبيبة قلبي وداد
بجد انتِ منورة يسكر الله لا يحرمنى من وجودك ومن جمال حضورك
انا سعيدة جدا انها عجبتك
حب عادل حب انانى وحب امتلاك والناس اللى من النوعيه دى لازم نبعد عنهم لكن في ناس بيدخلوا حياتنا بدون رضى ممنا ويصبحوا كالأقدار

م الاحداث اللى جاية هتقدرى تحددي وتعرفي ايه كينونة عادل اكتر
بس الحلقه الجايه مليئة بالاسرار فكونى بالجوار ياعمرى
تقبلى باقه من امل ورود الكون لقلبك الجميل
كوني بخير

اسماء عبدالعزيز يقول...

حبيبة قلبي الجميلة وصديقتي الرقيقة شرين سامى

وحشتيني ياقمر
وبعدين اتخنقتِ ايه بس داحنا لسه بنبتدي
عادل شكله هيطول معانا
اما بالنسبه انها كانت تعمل اى شيء عشان ماتتجوزوش مكنش ينفع عشان سمعتها وحملها وبردوا اعتبار لجدتها وعادل قاسي زى ماشفتى وهى لسه

بس تفتكرى هيحصل ايه بعد ماجدتها ماتت اللى كانت بتحبها وبتحترمها وبتخاف على زعلها وسندها الوحيد
هنشوف

لسه الاحداث ياقلبي
اتمنى انها تعجبكم

كونى بكل الخير والحب وتقبلى باقه من اجمل الورود

اسماء عبدالعزيز يقول...

ثلاثة انامل الرقيقة
وحشتيني ياقمرى
انا سعيده ان جزاء مروه عجبك يسكر اما بالنسبه للبوست المؤلم
هكذا هو الشوق والحب يلعب بأحاسيسنا ولا نعلم الى اين .. وروعة الحب بالشجن

اللى جاى ان شاء الله هيكون افضل اما بالنسبه لعادل

؟

هنشوف

كوني بخير ياعمرى

اسماء عبدالعزيز يقول...

هبه فاروق الجميلة
نورتي يسكر
انا سعيده جدا انها عجبتك واتمنى ايضا باقيها ينال اعجابك ياقمرى
كوني بخير

اسماء عبدالعزيز يقول...

حبيبة قلبي الجميلة حاجات جوايا صاحبة القلم الرائع
سعيده جدا بانها نالت اعجابك ياقمرى
وبجد الاروع هو وجودك بصفحتى بالنسبة للانضمام اليكم بليالى مصرية
انا مريت عليها من قبل
ويسعدنى ويزدنا انا شرف ياعمرى انى اكون معاكم
يسلملى طيبة قلبك ونبل احساسك

اما بالنسبه لعادل وحنين فالموضوع هيطول واكيد مهما الاسى والحزن اكيد ستأتى نسمات الربيع
كوني بالف خير وسعاده حبيبتي الغالية

اسماء عبدالعزيز يقول...

حبيبة قلبي الجميلة وشمس الحقيقة الرائعة
نورتي ياقمري بالنسبه لمروة
الموضوع ماينفعش يطول لسبب واحد
تحسي فى الروايه ان تكثيف الموقف اكثر من الحوارات وتحسي انها بتجري
لكنها مش بتجرى انا انا حابه اوصل المعلومه السلبيه وعقابها بسرعه جدا كي لا يشعر القارئ اننى انصح واوجه
هى من خلال حدوته لكن شوف ممكن يحصل ايه
وعشان في شصيات تانيه هتدخل الرواية فلازم تنتهى مروة

تسلميلي ياعمرى واكيد ان شاء الكريم قلمى هينجح اكتر طول مانتوا جنبي
بجد انا بعتبركوا اصدقائي وحد منى واتمنى لكم السعادة طول العمر
كوني بالف صحه وسعاده وهناء
اتمنى ان القادم ينال اعجابك بامر الله

اسماء عبدالعزيز يقول...

حبيبة قلبي الدكتورة الجميلة لولو
اولا افتقدتك جدا ماتغبيش تاني

وثانيا سلامتك ياعمرى من البكى والنكد
الله يسعد ايامك يارب ويحقق كل امانيكِ
بالنسبه كل حد زعلكم بالروايه هتفرحوا لنهايته
لكن ياقلبي معلش عيشي الاحساس معايا
وشوفي هيحصل ايه
والا يبقى شيء تقليدى وبنضحك على بعض وتسالى
كل رواية من رواياتى ليها هدف معين
في حقنه صغيرة كدا
ممكن تكون اشياء خطأ
شيء
اتنين
تلاته
ارجو ياقلبي ماتزعليش وماتغبيش هنى كتير
لانك بجد اصبحتِ صديقة
كوني بالف خير وسعاده

رحاب صالح يقول...

اه بجد صعبة اووي
عايزة الاول اقولك ان النت كان فاصل عشان كدة اتأخرت عليك
بجد صعب اووي الجزء ده
ومش هقول فكرت ف اية انا مستنية الباقي
بس بسرعة بقي انا كدة هتعب اووي

eng_semsem يقول...

ايه كل القسوه ده وايه الغدر ده مفيش لون ابيض في الدنيا ازعل على الزوج المخدوع ولا الزوجه المجبره على الحياه
امتا بالنسبه للقصه فهي جميله وتحمل صفحات من الحياه
تقبلي تحياتي

اسماء عبدالعزيز يقول...

حبيبة قلبي الجميلة رحاب
وحشتيني ياقمرى كدا بردو يسكر تغيبي كدا
طب والله النت دا قليل الادب ازاى بس يقطع عندك .. والله ماعندو زوق

بجد الرواية يتيمه بدون مرورك ياقمر
سعيده ان البوست عجبك
ومعلش على القسوة
لكن الحاجات دي بتمر علينا بحياتنا

وهيتضح ليكِ من باقى الاحداث ليه عادل قاسي كد
الحب اخلاص وحنان عطاء

لكن حب الامتلاك والنانيه غير

يارب باقيها يعجبك ياقمرى
دمت بكل الخير والحب

اسماء عبدالعزيز يقول...

اخي الكريم \eng_semsem

يسعدنى مرورك من هنا

هكذا هي الحياة بها كل شيء ..
ولكن اخي العزيز هل الزوجه المجبرة بالفعل زوجه

اما الخائنه فليس هناك من يجبرها على الخيانه فقد خانت نفسها ودينها وزوجها وعددت الازواج .. وهذا من النفس الامارة بالسوء
ولقد امرنا الله تعالى بجهاد النفس ومن لدية مشكله بحياته يستطيع ان ينفصل ولا يلجأ للمحرمات
لكل مخطئ عقابه فى الدنيا والآخرة

بالنسبه لحنين انها مكرهه فى البوست الجاي ستعرف هل هي زوجه ... ام ماذا
دمت بكل الخير

kalam-wel-salam يقول...

ايهكمية الانانية والغيرة وحب التملك الفظيع
ياعينى عليها الدنيا قست قوى ربنا يعينها
وتحياتى لك ولقلمك الامع سلمت يداك

BRiDe Gh0sT يقول...

رااااائعة بصدق
متابعة بشغف
تقبلي مروري غاليتي
تحياتي وإحترامي.....

اسماء عبدالعزيز يقول...

حبيبة قلبي كلام والسلام
وحشتيني ياقمرى
سعيده جدا بمتابعتك وانها نالت اعجابك
هكذا هو حب التملك .. لا يتقبله احد
دمت بكل الحب والود

اسماء عبدالعزيز يقول...

حبيبتي الجميلة برايد
انرتى المدونه ياقمرى
اشكرك على كلامك الراقي
دمت بخير