إجمالي مرات مشاهدة الصفحة

الجمعة، 3 ديسمبر 2010

( 8 ) عـتـــــــــــاب...




قرر حازم انه يواجه حنين وزى ماتيجي .. وانتظر الوقت المناسب .. وقلبة يحترق وآلاف الأسئلة تكاد تطيح بعقله .. الى ان جاء اليوم المنتظر.. يوم خلصت تصوير بعض  المشاهد وخرجت في طريقها للبيت .. وفي اليوم دا كانت لوحدها لان كريمة كانت تعبانه..  مشي وراها .. كان الليل بدا في الظهور .. بلونه الممزوج ببياض النهار الراحل واللون الأسود يمحيه ببطء
حازم ينظر للسما وبقلب محترق .. نظر حوله كان المكان فاضي من الناس وحنين بتمشي بسرعه .. وبعد معاناه ناداها بصوت مخنوق

حازم: حنيــــــــــــــــــــــن
وقفت حنين مكانها وماتكلمتش ولا التفتت ..(تفتكروا فاكرة صوته ولاّ حساه؟)

حازم:  أنا .. بجد آسف!  آسف!   حنين أرجوكِ سامحيني! أنا...( تزوغ نظراته والتوتر واضح جدا على ملامحه وبصوت  ارتعشت نبراته) أنا .. بحبـــــك

(التفتت حنين بدهشة و بنظرات العتاب وعدم رضا) حقك عليا ماتزعليش أرجوكِ..  كان غصب عني! قبل ماعرفك كنت إنسان تافه.. مغرور متعجرف وكل البنات تحت رجلي لكن إنتِ .........؟؟ إنتِ الوحيدة اللي وقفت في وشي وتعاملني كدا! كان رد فعل غبي مني! أنا مُعترف بكدا!
 والمفروض إني مكنتش أعاملك كدا,لأني من أول ماشفتك أخدني سحرك .. لكن ماهتمتش وكنت سعيد بانبهارك بيا ... لكن ..(يصمت للحظات ... يكمل بنظرات الحنين) بعد ماجيت ليك البيت .. وفتحتي الباب وعيونك رعشت قلبي.. حسيت إني قدامها مسحور! مسلوب الإرادة! خدتني لعالم تاني.. خلتني بيكِ مفتون! حنين.. انا ..  حبيتك ماعرفش ليه وازاى وامته
فجأة بقيتي بدمي .. بتجرى جوايا .. حاسس نبضك بنبضي !محتاج ليكِ فوق ماتتخيلي! (بصوت ممزوج بالدموع وبنبرة حزينه عاليه نوعا ما) 

أنا بتحرق ..بتحرق جنب منك .. (بتنهيدا)  بعت ليكِ عادل عشان أجيبك جنبي و قصاد عيني!وأحقق ليكِ مستوى تاني يليق بيكِ ( إتعدلت حنين بوقفتها وفاقت من شرودها بكلامه الرقيق على عبارته الأخيرة  وقالت:  نعـــــم!
 حازم بجديه:  ايوة .. أنا المخرج المسؤول عن الفيلم! وعشان خايف تزعلي أو تبعدي لما تعرفي! كنت بتابعك من بعيد لبعيد من ورا جدار يا حنين! جدار بنتيه و كبرتيه بيني وبينك!
عشان اتحرق بنار قربك وبعدك وانا شايف غيري بيتقرب ليكِ..

حنين.. أنا كنت شخص تاني وإنتِ غيرتية! حرام عليكِ مكنش موقف تافه دا اللي يعمل كل كدا! حرام عليكِ تبعديني عنك! إنتِ حلمي .. سامحيني أرجوكِ أنا.. مش عارف أقولك إيه؟  بس لو إنتِ معايا خلاص مش محتاج أكتر من كدا! حسيني أرجوكِ!

(وتنزل دموعه  اللي جاهدها كتير كتير  ولكن إتغلبت عليه ونزلت تنساب أكتر أكتر ..لتُأكد لحنين مدى صدق احساسه! تقرب منه حنين وتمسح دموعه وتنسال دموعها على خدها و..........؟

:  أول ماشفتك ماعرفش حصلي إيه!  مابقتش عارفا دا حلم ولاّ حقيقة! اتمنيتك تكون عشاني! زعلي وقسوتي كانوا لأني.....؟

 لاقيتك قدامي حلم كنت بحلم بيه! شيء كنت بتمناه بخيالي وأصبح حقيقة, ولما هِنتني  حسيت إنك مش عشاني وإني مش قد المآم! مع إنها كلها لحظات لكن كأننا ب نعرف بعض من سنين! لما مشيت من بيتنا حزين, قلبي كان حزين عليك أوي! لكن كرامتي فوق كل شيء.. مانكرش اني حسيتك .. اتمنيتك .. لكن..

حازم بتوسل: خلاص بأه! أنا بجد بحبك
حنين بابتسامة ودلع:  خلاص ..
حازم بابتسامه: خلاص إيه؟
حنين بابتسامه: ماقولنا خلاص!يل امشي بأه!
حازم: لا هوصلك! ومشيوا مع بعض ...............

وروحت حنين وهيه سعيدا ومبسوطة وحكت لجدتها و....كريمة في اليوم دا ما عرفتش تناااااام من قلقها على حنين؟

أما مروة كانت عايشه حياتها... مع مجدي طول الليل بالتليفون واتفقوا على معاد للجواز على شرط يكون عرفي ( واخدين بالكم زوجة هاتعدد الأزواج! يا تري هيحصل إيه تاني؟ اللي يعيش ياما يشوف!
 وطبعا جوزها المسكين مايعرفش حاجه خالص.. وبيبعت لها فلوس ومتغرب عشان زوجة خاينه)

وقالت مروه لحنين إنها ها تسافر إسكندرية عند ناس قرايبها!وجه اليوم المنتظر ورفض مجدي انه يديها عنوان شقته وهي تيجي لوحدها وطلب يجي ياخدها من حييهم وبعد مجادلاات انتهت على انه راح لها وانتظرها بعيد ورن عليها ونزلت وراحت معاه على شقته..  وبعد كدا مارست  حياتها معاه عادي جدا, ويصرف عليها وعلى بنتها! وبنفس اليوم  اللي تجوزت فيه مروة زواجها العرفي.........؟

 كان حازم عند حنين في البيت بيطلب إيدها من جدتها! وتعهد لها إنه يحافظ عليها مدى حياته! وكان شرط كريمة موافقة أهله عشان حنين ماتشربش من نفس الكاس اللي شربت منه أمها! وفعلا بارك الخطوبة دي حاتم بيه وسيرين هانم! و جاب حازم خاتم الخطوبة واتفقوا إن الجواز بعد العرض الأول  للفيلم!

 وتاني يوم كان جايب لحنين شقة بمصر الجديدة باسمها تسكن فيها هي وجدتها! وفتح لها حساب بالبنك, وجاب لها عربية وكان بيحاول يعلمها عليها من حين لآخر!وفي يوم وليلة إتغير حال حنين! لأنها فعلا بنت كويسة!لكن وسط فرحة الجميع كان في واحد حزين جدا

 وحاقد جدا جدا.... وهو........................؟

 وتمر الأيام ويخلص تصوير الفيلم وصور حنين على كل الأفيشات وجه اليوم المنتظر العرض الأول!
 وكانت حنين كا برنسس  ولافته انتباه الجميع .. فعلا اتولدت عشان تبقى نجمه! وأثناء كل دا كان حبها لحازم ملى كل كيانها وخلص العرض وخرج الجميع وحنين وحازم وعادل يحيوا الجميع ويهنوا بعض  وحوار مع الصحافة و............
.........؟؟؟

حازم: حنـيـــن
حنين: نعم حبيبي
حازم : انـــا...............؟
؟
؟
؟
؟
ياترى هيحصل ايه

وحازم كان عايز ايه ؟


ولمين هتكون الخاطرة اللي بالجزء الجاى 


الخاطرة دي اتسرقت منى وانتشرت بمواقع كتير 


وعملت اكثر من 5200 قارئ بالمجلة 


ممكن اكون شايفاها عادية 


لكن

هو دا احساسها  
ياترى هتعجبكم 

اتمنى هذا

 و
انتظروا  

مررت بخاطري
تابعوني


هناك 31 تعليقًا:

✿ ثلاثـہ أنامل وقلم ✿ يقول...

السلام عليكم ورحمة الله و بركاته ✿

غاليتي أسماء سلمت يداكِ .. امممم تطورات حنين حلوة ... عنجد مروة بحاجة لطبيب نفسي .. (^_^) استمري إلى الامام غاليتي انتظر الجزء القادم بشوووووق ✿ مودتي.

Dr/ walaa salah يقول...

جميل اوي الجزء ده يا سوسو

انا فرحانه اوي لحنين وحازم

بس بردوا البت مروه دي عايزه الحرق

انا في انتظار الخاطره والقادم يا اسماء

متتأخريش

شمس النهار يقول...

حنين في المسار الطبيعي بتاع الاحداث

مروي اعتقد محتاجه شغل منك في شخصيتها جاااااامد
ربنا يعينك علي كتابتها

حال مروي حال قله من الستات اللي غياب الزوج مع وجود فراغ ومال جننهم
وخلاهم يبعدوا عن الاصول والدين

مستنيه الباقي ماتتأخريش
وشكرا علي تعليقك علي تعليقي في البوست السابق
وفعلا انتي شخصيه جميلة مش كل الناس بتتقبل النصيحه الا اللي واثق من نفسه
وتقريبا كده انا في سن والدتك
:))
راجعي المدونه عندي هتعرفي سني
:))

mrmr يقول...

حنين علشان بنت كويسه ربنا ح يكرمها
ومروه بتمثل اقليه من الستات اللى مفتقده الكلمه الحلوه والمتعه علشان كده بتتجه الى طريق الخطأ اللى بيغضب ربنا

روايه جميله يا اسماء
بالتوفيق
ومنظره بقيه القصه اللى ديما بتشوقينا ليها
اقعدى بالعافيه

رحاب صالح يقول...

حسيت ان الجزء ده جري بسرعة اووي يا اسماء
وكمان حاسة انك مخبيالنا مفاجأة من النوع الثقيل وجدا جدا كمان واعتقد اني بدأت افهم انت مديانا لفين ...بحب انا الحاجات اللي مش متوقعة خالص ...,لغاية دلوقت يمكن حاسة ان بطل القصة الحقيقي لسة مظهرش ...مش عارفة ده احساسي والا انا بتمني ده ...امممم
مستنياكي بفارغ الصبر

هبة فاروق يقول...

عارفة يا اسماء ان احلى حاجة فى كتاباتك انها مشوقة وفيها مفاجأت
كتيرة ودة بيخلينى فى حالة من اللهفة
لمعرفة با قى الحكاية وطبعا سعيدة بحازم
وحنين
ومتوقعة نهاية سودة لمروة ال تعدد ازواج ال
مبدعة وخيالك واسع فى انتظار باقى
الحكاية وطبعا عايزة اعرف ميين الانسان
اللى حاقد عليهم لكى منى وردة وفلة وياسمينة

غير معرف يقول...

ماهو واحد من الاتنين حاقد عليهم
ياما مروة او عادل

بس يا ترى حازم كان عايز يقولها ايه ؟؟؟
اوعى يكون اللى فى بالى ؟؟

اما الست مروة دى بقا اللى حكايتها حكاية
ربنا يهديها

جميله الحلقة يا حبى
ماشاء الله عليكى

متابعه
مش تتاخرى
تحياتى

Carmen يقول...

اول ما حازم رجعلها ادايقت لانه زيه زي الملايين اللي مش بيقدرو قيمة اللي في ايديهم الا مايضيع منهم
بس بعد ما فعلا ندم وحبها بجد وصانها قررت اعفو عنه ^_^
ياتري الحلقة الجاية فيها ايه؟
تحياتي لاسلوبك الجميل

Tears يقول...

فرحت اوى لحنين و حازم :)

غير معرف يقول...

ما وظيفة لطيفة. أنا حقا أحب قراءة هذه الأنواع أو المقالات. هل يمكنني ذلك؟ تي ان ننتظر لنرى ما يقول البعض الآخر.

وداد يقول...

جزء جميل جدا

وعجبني اوي المشهد بتاع حازم وهو بيعتذر لحنين

مشهد رومانسي جدا

اما الزفتة مروة ربنا ياخدها ان شاء الله

وتصحى من النوم تلاقي نفسها محروقة ههههههه

معلشي والله اصلي متضايقة منها اوي

ربنا يستر من الجزء الجاي

شكلها هيبقى تراجدي شوية

اروح احضر منديل علشان العياط

مبدعة يا سمسمه دايما

ربنا يحميكي يا قمر

Unknown يقول...

عزيزتي الرقيقه أسماء آسفه اني اتأخرت
كتاباتك رومانسيه أوي و احساسها عالي مع أني مبحسش ان الرجل ممكن يتوسل أو يبكي
سعيده بمتابعة الحكايه و مُشتاقه جداً للخاطره أنا في الانتظار
تحياتي الخالصه لكي

Unknown يقول...

عزيزتي الرقيقه أسماء آسفه اني اتأخرت
كتاباتك رومانسيه أوي و احساسها عالي مع أني مبحسش ان الرجل ممكن يتوسل أو يبكي
سعيده بمتابعة الحكايه و مُشتاقه جداً للخاطره أنا في الانتظار
تحياتي الخالصه لكي

اسماء عبدالعزيز يقول...

ثلاثه انامل الجميله
ازيك ياقمر
انا سعيده انها نالت اعجابك ولكن هفتقدك كتير ارجو ان لا تطيلي الغياب
كوني بخير

اسماء عبدالعزيز يقول...

الدكتوره الرائعه الجميله ولاء
بجد بيسعدنى وجودك هنا جدا وسعيده بان لحد دلوقتي الاحداث عجبتك بس ياترى ايه رايك في اللي جاى الله يستر ويعجبكوا


اتمنى تقييم الرواية


كوني بخير ياعمرى

اسماء عبدالعزيز يقول...

شمس النهار الجميله
يسعدني كثيرا تشريفك لصفحتى
ولقد زرت المدونه مرة اخرى ولكنى لم اجد غير انسانه جميله بكل ماتحمله من صفات طيبه وروح نقيه يسعدنى كثيرا ان اكون بجوار كلماتها


لابد ان اجيب واغير ماترونه وهذا يسعدني كثيرا ولا آخذه على محمل آخر بل واحب كثيرا النقد البناء

حبيبتي
دمت بكل الخير والحب

اسماء عبدالعزيز يقول...

مرمر ياسكر الله يعافيكي ياقمر

حنين لحد كدا كويس لكن مش نعرف ايه اللى جاى مش يمكن حازم يتغير من ناحيتها ا
او
او

بالنسبه لمروة فعلا اقليه لكن مش لازم نهملها

وهى رساله موجهه الى من يمر بظروف مماثله ان ينتبهوا الى زوجاتهم ويراعون الله بهم
ولا داعى لهجرهم بالعام والعامين من اجل نقود زائله

كوني بخير ياقلبي

اسماء عبدالعزيز يقول...

رحاب حبيبتي مش هقولك غير انك
كاتبه ..حقيقية

اتمنى ان ينال الجزء القادم اعجابك
واتمنى به ان تكتبى توقعك
مهم جدا جدا
ولو كان صح سأشهد بذلك
دمت بكل الحب

اسماء عبدالعزيز يقول...

حبيبة قلبي هبه الجميله
وحشتيني ياقمر
بجد يسلملى زوقك ورقتك
اتمنى الجزء الجاى يعجبك

وياترى ايه المستخبىىىىىىىى
كوني بخير دائما

اسماء عبدالعزيز يقول...

كارمن الجميله
منوره ياقمر
بصراحه انا رايي من رايك
لكن هنعمل ايه
هنشوف الاحداث هتودينا لفين
كوني بخير حبيبتي

اسماء عبدالعزيز يقول...

تيريز الجميله
والله انتِ منوره ياقمر
اما نشوف رايك بالجزء اللي جاى يارب يعجبك
كوني بخير حبيبتي

اسماء عبدالعزيز يقول...

غير معروف

بالطبع تسعدنى المتابعه وارجو ان تنال اعجابكم

ولكن يب قرائتها من الجزء الاول

دمت بخير

اسماء عبدالعزيز يقول...

الحــــــــب الجميـــل


وحشتيني ياقمر

طبعا اللى حاقد اكيد مافيش غيره زى ماقولتى وهو ... ماعرفش اسمه ايه
ههههههههه

بالنسبه للى عايز يقوله حازم تفتكرى يكون زهق منها ولا عايز يسيبها مهو المفروض الفرح
بعد ايه
افتتاح الفيلم
والنهارده كان الافتتاح
ماتنسيش بأه
احجزيلى جنبك
لانى بصراحه عايزة اتفرج معاكِ وخديلي فشار ضروري

كوني بكل الخير حبيبتي

اسماء عبدالعزيز يقول...

عيبك يادودو الجميله انك فهمانى جداااااااا


انا كمان هاروح اجيب المناديل

وتعالى نقعد جنب بعض
ونعيط

الله بس هنعيط ليه

ههههههههه

انا سعيده ان البارت دا عجبك ياقمرى
يارب عقبال الباقي

والله يستر

كونى بكل الحب

اسماء عبدالعزيز يقول...

حبيبة قلبي وصديقتي الجميلة
د. شرين سامى
وحشتيني ياقمر
انا اعتقد انه ممكن يحصل لو كان فعلا بيعشق حتى الثرى

معايا هنا هتشوفي ياقمرى اشياء جميلة واحاسيس رائعه
اتمنى انها تعجبك

ولاحظوا ان الجزء اللى جاى مهم جداا


كوني بكل الخير والحب
حبيبتي

Unknown يقول...

غاليتي ..
رحلت مع كلماتك بعيدا ..
أعجز عن وصف روعة احساسك ..
دمتي بود ^^

ليلى الصباحى.. lolocat يقول...

السلام عليكم ورحمة الله

الله يسامحك يا اسماء بجد تعرفى انك بتعطلينى عن شغلى كتير اوى اوى ساعات هههه

بنسى نفسى وانا اتابع حكاياتك وقصصك بتشوق وانسى الوقت

تعرفى انت لازم تغيرى اسم مدونتك وتسميه دراما اسماء ههههه
رائعة حبيبتى اتابع بشوق مستمر

تحياتى لقلمك وخيالك الخصب الجميل
كل سنة وانت بخير وامان ورقة

اسماء عبدالعزيز يقول...

بينك انجيل
اسعدني مرورك ياقمري
وسعيده اكثر بان كلماتى نالت اعجابك
كوني بخير دائما

اسماء عبدالعزيز يقول...

حبيبة قلبي الجميله ام هريرة واخيرا ياقمر
طب والله بستنى زيارتك ورايك يسكر
انا اقدر اعطلك بردو

تعرفي فكرة

بجد حلوه

لاني مجهزة ليكو مسلسلات كتير ويارب تعجبكوا

هاستناكِ ياقمر بالجزء الجديد ويارب يعجبك

كوني بخير وبكل الحب دائما

الاء عثمان ( بنت مصر ) يقول...

استاذة اسماء ، معلش اتأخرت على صفحتك كتير ، لكن كان في عطل في الجهاز مكنتش بيحمل الصفحة خالص ، المهم أنا رجعت أقرأ بشغف ، فاتني حاجات كتير ، لكن أنا مش بحب أقرأ من الأخر فهقرأ من الأول على مهلى ، واعترافات جميلة أوى وشخصيتك أجمل .

وحشتيني كتيييييييييير كتير اوى .

اسماء عبدالعزيز يقول...

حبيبة قلبي الجميلة الاديبه الرائعه وصديقتى الحبيبة الاء عثمان
وحشتيني اوى يالولو
يارب تكونى بخير دايما
على فكرة دايما مميزة انا شايفه كرسي الاعتراف وادارتك ليه بجد تسلمى تستحقى تبقى مشرفته يسكر
دمت بحب