إجمالي مرات مشاهدة الصفحة

الخميس، 9 ديسمبر، 2010

(9 ) مـــررت بــِخــاطـــرى...

video


 احبائي البوست المرادي مختلف لازم تقروة على نغمات الاغنيه 
مش تتفرجوا على الفديو كليب

بس اسمعوا 

واقروا

وعيشوا
بالخيال

مع

ابطال حكايتى

حازم وحنين 

و...

اسيبكم ... 

حازم :  حنين أنا تعبان

حنين بلهفة: مالك حبيبي حاسس بإيه؟

حازم:  نار في جسمي ( وبدا يظهر على وشه بقع حمرا بسيطة)

اتخضت حنين واستأذنت و خدته على العربية وسط دهشة الجميع

وعادل استغرب جدا وراح وراهم ...............

حازم  بيركب العربية شاف عادل جاي عليهم! قال لحنين: بلاش عادل يا حنين

حنين بدهشة:  ليه ؟طب مين ها يسوق؟ إنت تعبان يا عمري

حازم بضعف: أرجوكِ (وبنفس اللحظة وصل عادل للعربية )

عادل: في إيه؟ مالك يا حازم؟ وشك أحمر أوي؟

حازم: مافيش حاجه شوية برد! يل يا حنين..

عادل:  طيب أوصلكم! أنا عارف إنك مابتعرفيش تسوقي يا حنين.. وهو تعبان! آجي معاكم

حازم بجدية:  يبقى ماتعرفش حنين!!

حنين:  عن إذنك يا عادل  عشان حازم تعبان و ميرسي أوي لزوقك و

ركبت جنب حازم اللي ارتاح لرد فعلها وقالها:  سوقي بيا يا عمري لو آخر يوم بعمري أتمني
يكون على معاكِ إنتِ

حنين انهارت: ماتقولش كدا أرجوك أنا بحبك أوي! حرام عليك تعمل فيا كدا .. إجمد بأه! ثم تعالى هنا وقولي يا أستاذ ها سوق إزاي بس!.. أنا خايفه عليك أوي! وانت عارف إني مابعرفش لسه! ماتعلمتش أوي

حازم: سوقي زي ماعلمتك يا قلبي! وإفتحي الشباك أوي عايز أتنفس وأحس إني معاكِ لوحدي!

بصت حنين لحازم وبكل حنان وتنهيدا قويه ربطت حزامه وحزامها وفتحت زجاج العربية 

وانطلقت بالعربية وكأنها سواقة ماهرة

 ووصلوا المستشفى الخاص التخصصي ونزلت ونزلته وسندته ودخلوا جوه.. وخدوه

 الممرضات ووقفت حنين في الاستقبال.. تدخل بياناته وتدفع التأمين بالكارد (وكان دا كمان من حازم اللي علمها إزاي تستعمله.. زى ماعلمها السواقة.. وزى ما كان  ومازال أجمل شيء بحياتها)!

وجريت على غرفته واخدوه وعملوا التحاليل والفحوصات .. واتفاجئت حنين بحركة غريبة .. الممرضات بياخدة بسرعه من مكان لمكان ودا قلقها جدا ... اتصلت حنين على حاتم  أخوه اللي جه بسرعة جدا وسيرين مراته واللهفة والدموع بعيونهم................ دا ابنهم ..................................................

خرج الدكتور بنتيجة التحاليل والفحوصات .. وطلب حاتم لمكتبه

د. رمزي:  أهلا حاتم بيه!سلامة حازم بيه

حاتم بلهفة:  حازم ماله ؟دا عمرة ما اشتكى من أى تعب!!

د.رمزي:  للأسف كنسر (لوكميا.. سرطان الدم)  دا ماشي على رجله ازاي؟ نسبه كرات الدم البيضا عاليه جدا في الدم يكاد يكون مافيش كرات دم حمرا .. ودا مؤشر خطير

حاتم انهار وبحزن طائل:  كـَــنــــــــــسر.. دا عمرة ماشتكى من شيء

د.رمزي بحزن:  للأسف.. اعتقد ياحاتم بيه في الفترة الاخيرة اكيد كان تعبان

حاتم: لا لا ..مجرد فقدان شهيه وكان بيشتكي من الارهاق ونهجان مش اكتر ومن كام يوم كان عنده قيء..وتكسير جامد بالعضم  ..وقولت اكيد نزلة برد ..واخد علاج .. وقال انه تحسن

د.رمزى : يؤسفني انى اقولك كدا..  لكن الاشعه والفحصوات اكدت انه عنده سرطان الدم النخاعي الحاد.. ودا نوع نادر وبسرعة بينتشر بالجسم بدون اعراض ..وبعض الناس بيفتكروا مجرد نزلة برد .. 

( يصمت لحظة وبضيق يكمل :للأسف بمرحلة متاخره..

حاتم:  يعني إيه؟مافيش حل ؟ يسافر يتعالج!اعمله تغيير دم حتى أي شيء! أي شيء أرجوك (دموعه تنساب وبترجي) إتصرف أرجوك..

د. رمزي:  أنا آسف .. فات الوقت ..

حنين واقفة قدام زجاج غرفة العناية ودموعها مش بتخلص!وحازم نايم والتنفس الصناعي وجهاز النبض و.....................................

خرج حاتم من عند رمزي منهار!جريت عليه سيرين وحنين:  خير

حاتم بحزن: كنسر بحالة متأخرة!! صرخت سيرين صرخة مكتومة أما حنين ماستحملتش الصدمة وأغمى عليها وبسرعة الممرضات شالوها وفوقوها..


 وفاقت لكن تايهه ويدور قدامها شريط سينما كل حاجة ..جميلة بينهم وتبكي وتصرخ.. والدكتور أمر إنها تاخد مهدئ وفعلا هديت  بالمهدئ وغابت.................................ولما

اتصلت جدتها على الموبيل بتاعها ردت عليها سيرين وبلغتها الخبر اللي كان صاعقة بالنسبة ليها!

 وتاني يوم صحيت حنين وجريت على العناية مالقتش حازم صرخت وانتابها حالة هستريا! 


حاتم يهديها وقالها إنهم نقلوه غرفة عادية!
وراحت عليه كان فايق  و كويس أثر المسكنات وتخض لما شافها كدا لسه بفستانها و متبهدله!جريت عليه تحضنه وراسها على صدره وتبكي بشدة وهو يطمنها

حازم:  أنا كويس يا حنين!ماتبكيش  عشان خاطري! دا شوية برد وجسمي مكسر مش أكتر! تعرفي نفسي في إيه حالاً ؟

حنين بدموعها:   قول يا عمري

حازم بدلع:  نفسي أبقى معاكِ لوحدينا وآكل من إيديكِ! تعرفي لما ببعد عنك بسرح وبحس إنك معايا!
 قلبك هو حياتي!نبضك هو نبضي!
احساسك هو شرياني ..
 في عيونك حياتي..
 عطرك بأنفاسي ..
 إوعدينى تكوني ليا لوحدي!..................؟

(حنين تبكي أكتر واكتر! ممكن دموع العين تسكت لكن دموع القلب عمرها ما تسكت بتفضل تنزف! وآه من جرح الزمن لما يقرب منك حبيب ويبقى كل كيانك وبلحظة يفارق ونقول قدر!!!)

حنين: أوعدك يا عمري أنا ليك ومن بعدك للتراب صدقني!

حازم:  خديني حنين أرجوكِ ..مش عايز أستنى هنا!
بليز ماتقوليش لحد!  أنا محتاجلك أوي

حنين مسحت دموعها وباسته من جبينه وخرجت للممرضة وسألتها عن مواعيد الدوا ..وليه كل دا والممرضة قالت:  كلها مسألة وقت ممكن يطول  وممكن يقصر الله أعلم..انتِ مؤمنه وعارفه.. ولازم حالته النفسية تكون كويسة ممكن دا يطول الوقت شوية..او يعمل حاجات كتير 
 
 ودا كله مسكنات قويه عشان يبقى زي الطبيعي! يعني يقدر يمارس حياته عادي! طول ما مفعول المسكن موجود! لانه مايستحملش كيماوي.. 


وقررت حنين إنها............؟

وجه الليل وكانت حنين رتبت لكل شيء وجت وهو نايم  وقالت في نفسها مستحيل حد ياخدك مني ولو القدر مارحمنيش يبقى أحققلك كل اللي تتمناه! وصحته والممرضة نايمه على الكرسي ونزلوا السلم وتستغرب حنين فعلا أكنه سليم!(طب ماهو كان عادي جدا ومريض بدون مايعرف ودي حالة نادرة أوي إنه يوصل لحالة متأخرة بدون سابق إنذار!أو يمكن رحمه من ربنا عشان ميتألمش كتير! ولكن دايما نقول:  أقدار وأعمار!)

ووصلت شقته وقالها: أنا عايز شقتك إنتِ!

 قالت له: هانقعد هنا النهاردا وبكرا عندي

حازم بعدم تفاؤل:  تفتكري في بكرة يا حنين؟

حنين الكلمة غصتها في قلبها .. بنظرات الحب:  أكيد يا قلبي في بكرة وكل الأيام كمان ليك يا عمري.

 وطلعوا فوق ونيمته على سريرة وراحت تجهز أكل ( وكانت الخدامة مش موجودة حاتم إداها أجازه عشان حازم في المستشفى)

حنين جهزت الأكل وجابته كان حازم بدأ يتعب! بسرعة إدته المسكن واكلته بإديها وعيونها بعيونه وقعدت جنبه على السرير! (راكن راسه على صدرها! وتلمس شعرة وهو كالطفل شاعر براحة الدنيا بين إديها!

 حنين:  حبيبي عامل إيه دلوقتي؟

حازم:  أمان غريب أوي! مش خايف حتى من الموت..........!

حنين حضنته أوي وبرعب من الكلمة: بعد الشر عليك!(وبمرح عشان تخرجه من إحساسه الحزين) :  نفسك فإيه حالاً؟  وجاوب بسرعة بدون تفكير ...................؟

حازم يضحك وبدا يتحسن شويه  من المسكن وكمان من قرب حنين ورعايتها ليه :  كان نفسي دلوقتي! دلوقتي!
(لف وبص لها بحنان )
تكوني مراتي دلوقتي!
 وأهرب معاكِ من مرضي لحبك المجنون!
محتاج دفا قلبك أوي!
حنين ضميني لقلبك خلية يودع قلبي

حنين(تحضنه):  لاا .. ماتقولش كدا! هاتفضل معايا! دا شوية برد يا قلبي وتمسح دموعها

عشان ما تنزلش على وشه ويعرف إنها بتبكي وتكمل:باقولك إيه ؟! أنا عايزة اسمك على اسمي دلوقتي!

حازم:  يعني إيه ؟

حنين: يعني قولي زوجيني نفسك وربنا يشهد علينا! لأني مش هكون لحد غيرك

حازم: لا هاعملك أحلى فرح في الدنيا يليق ب برنسس قلبي

حنين: نتجوز دلوقتي ونعمل الفرح بعدين

حازم: طب هاتي ورقة (وقامت بسرعة جابت ورقة و....................!

حنين:  كدا إحنا متجوزين قدام ربنا

حازم:  بحبــــــــــــــــــــك


حنين:  قوم انسى المرض تعالى معايا! وشغلت اغنية أنــا مستحــيل
............... 

وقربت منه و ترقص معاه سلو! وقربت أكتر وعيونها بعيونه وكلمات الأغنية وموسيقاها  تعزف على أوتارهم..

وتطيح بوجدانهم وينسوا كل الدنيا والمرض! ويفتكروا بس الشوق المسجون يصرخ:  حرام الفراق!

(وحنين قلبها يشكي والدموع تتلألأ بعيونها: في شرع مين يكون بين إيديا وبكره بالتراب لو بإيدي أجبلك ألف عمر على عمرك! حبيتك بجنون و مهما غبت عني ليك هكون!ماتسبنيش!

حازم يبص لها أوي وكأنه بيحفظ ملامحها! وعيونه تبكي وكأنه بيودعها! (يقول بباله:  ياريت عمري يطول ولو ثواني !عطشان ياعمري بكل عمري,أرتوي من شهد هواكِ!عمري قبلك مش محسوب وكأني لسه مولود! لكن للأسف مولود  عشان يموت! لكن حبك ها يفضل بالوجود حتى لو..اتقفلت العيون و واختفت ملامحى من الكون .. هتفضل ارواحنا تتلاقى ) هتنسيني حنين ولاّ...........؟

(حازم وحنين بصوت واحد وقوة الحب اللي جمع بينهم رغم الوقت القليل لكن هكذا تدق القلوب بدون أدني تحكم مننا بيها!)  قالوا:   بحبــــــــــــــــــــــــــــــــــــــــك وتتلاقى....

 الأمواج المُتلاحقة الجياشة ليتطاير منها رذاذ المياه لتلامس  بشرة حنين اللي كانت واقفة على شط البحر وبتفتكر ذكرياتها مع حبها الوحيد!

 و آخر ليلة لها معاه! وحاطه إيدها على بطنها! آخر شيء باقي لها من حازم وهو حملها

الصغير اللي عمره 3شهور!

 وتبص للبحر وتشرد تاني......؟

وتفتكر نفس اليوم :  بعد أن هدأت نيرات الأشواق وكان بين يديها كالطفل الصغير! ناموا في سكينه واطمئنان!

(ويمر الليل بجماله الدافي وغموضه ونجومهُ اللامعة وبصمته وسكونه!

وفجاه آتاهم الزائر المجهول.. بعباءته السوداء الذي يسلبُ الأرواح من الأجساد! وبلحظات يهدم اللذات ويفرق الجماعات!)......

 وصحيت حنين وكان حازم ايده عليها!! براحة تشيل ايده عشان تقوم ومش تصحيه ولقت ايده باردة جدا.. وخلاص المسكين فارق للنهاية!

 فارق بدون لُقى من جديد؟!


video

( فارق بعد ماساب أقل التعازي لحنين!

 وتصرخ حنين بمرارة الحزن ولوعة الفراق! وتبكي العيون ويدق القلب بدقات الأنين!) وبعد دفنه فضلت في المستشفى تتعالج من الانهيار لحد ماعرفت إنها حامل منه قررت تحافظ على أغلى هدية من حـــــــازم!!

وفاقت من شرودها علي إحساس مميت من كثرة الحنين! إن حازم وراها  بيكلمها حساه وسمعاه وأنفاسه لمساها!!  والتفتت تشوفه ولكن أصابها اليأس .......وسرحت مع أمواج البحر وتخاطب حبيبها



:
مررت بخاطري..
 أحسست بأنفاسك تمر بجانبي
 إلتفت كي أراك ولكنني..
 لم ألقاك!

متى اللقاء يكون.. وتُخلف كل الظنون!

 أنت لم تمت حبيبي..

 أنت بقلبي نبض قلبي .. ودفء مشاعري!

 الشاطئ بأقدامي والبحرُ بمدد ناظري!

  البرودةُ تقتلني والدفء بين يديك!
أين أنت؟؟

 الدموع ملئ عيني والحزن ملئ قلبي..

 ليتك تعود ولو لثواني إلي الوجود ..

أُملي منك عيني!يشعر بدفئك قلبي..

ألتمس منك الرضا! ليتني

 وليتني

 وليتني.......

وتنزل دموع حنين .......!

وتفتكر حاتم وسيرين اللي......................؟

 كان موت حازم بالنسبه ليهم دمار كُلي  وأخبارهم اتقطعت لان حنين بعدت عنهم............

حنين تبكي اكتر.................... و تتفاجئ

بإيد على كتفها............؟

؟
؟
؟
تابعوني

ياترى ايد مين ؟
وايه اللى جابه هنا ؟

وياترى حنين تعرفه قبل كدا؟

وعرف مكانها ازاى ؟

اكيد بالحلقة الجاية هتعرفوا كل دا 

اتمنى انها تنال اعجابكم 

اسماء عبدالعزيز


‏هناك 40 تعليقًا:

lossy❤❤ يقول...

في المقعد الأول

اشعر وكأنني امام شاشة السينما

لا تطيلي ..سأبتاع بعض حبات الفشار
حتى بداية الجزء الثاني

re7ab.sale7 يقول...

اهيء اهيء اهيء
زعلتيني بجد
بس ده برضه بيخليني مع نفس فكرتي الاولي عن ان حازم مش بطل الرواية
وانا مش هقولك تنبوئاتي عشان انا مش بحب كدة
بحب اني الاقي مفاجات
مستنية
بس يمكن اجي متأخرة عشان بدأت مذاكرة
مستنية بفارغ الصبر

هبة فاروق يقول...

طبعا الحوار رائع ومليان حب ورومانسة
والم وفراق ياااة بجد حوار عزير ومتنوع
سرحت بخيالى لما قريتة وكانى بشوف فيلم
سينمائى
طبعا حزنت لموت حازم ومتشوقة اعرف
مين البطل الجديد فى القصة
بجد اسماء حكاياتك تشد اللى يقراها
واسلوبك جميل وسلس
مشكورة يا قمر وفى انتظار الباقى
مساءك سكر

وداد يقول...

مش قولت لك يا اسماء احضر المناديل

بجد انا زعلانه جدا

الله يسامحك يا سمسمه

حازم مات بس ترك احلى حاجة في حياة حنين

وهو انها حملت يارب يكمل على خير

واعتقد انه إللي حاطط إيده على كتفها هو عادل

هنشوف ايه إللي هيحصل

بس الجزء ده زعلني اقوي

مش بحب اشوف حب منتهي سواء بالإنفصال او بموت احد

ممكن لو سمحتي تفرحيني الجزء الجاي

دمتي مبدعة في قصصك يا سمسمه

الحب الجميل يقول...

مش هقولك الا الله يسمحك
انا ببكى يا اسماء
بجد حرام
الله يسمحك
اسفه

Mona Abo - Elso3od يقول...

اول مرة اعلق كنت كل ما ادخل و انوي اقرا الروايه تحصل حاجة و مكملش
حظي جه في الحلقة دي علشان توجعني اوي و تخليني اتابع راويه كان نفسي اتابعها
ايه كميه الرومانسيه دي و كميه العذاب ده كتير في حلقة واحدة
بجد مش عارفة اقول ايه عن مدي اعجابي بيها و في انتظار الباقي بفارغ الصبر
تقبلي احترامي الشديد لاحساسك العالي المرهف

karmen يقول...

خلتيني دمعت :(
مستنية الحلقة الجاية

غير معرف يقول...

الله يسامحك :(:(
بس بجد جمممييييييييييييله وانت عارفه راى فى كتاباتك
دمتى مبدعه
يارب اشوف اعمالك على السينما لانها تستاهل
علفكرة انا حطيت الاعترافات على دموع القمر

توتا

شيرين سامي يقول...

أحزنتيني جداً:'(
أنتي كاتبه رومانسيه من الطراز الأول كلامك شعر و شعرك أُغنيه
في انتظار الحلقه القادمه
و تحياتي الشديده لكي

الاء عثمان ( بنت مصر ) يقول...

كدة ؟؟

طيب ياستى العبي بمشاعرنا براحتك ، حركيها بأصابعك وكأننا عرائس ماريونت .

اقولك ايه بس ، انافعلا احساسى كانه عروسة ماريونت بتتحرك بكلماتك ، على فكرة بقا انا لغاية دلوقتي بعد ماخلصلت قراءة حاسة باحساس شديد بالحزن ، لو حصلي حاجة بقا انتِ السبب .

حاجات جوايا يقول...

مش عارفة اقول ايه
انا دخلت النهارده العصر ومعرفتش اكملها
ولما رجعت دلوقتى مفارقنيش نفس الاحساس بالحزن الشديد
حزينة اوى بجد
اصعب شئ فى الدنيا ان الحبيب يموت
بس عزائها الوحيد ان كان فيه فرصة للوداع

بس هما جوازهم ده مش يبقى حرام
يعنى هو مات دلوقتى وهو مرتكب كبيرة
وابنها ده هيبقى ابن حرام ؟

لو كانوا مروا على ماذون فى طريقهم كانت هتبقى أفضل

بس عموما القصة رهيبةةةةةةةةة
دى اول حلقة اتابعها
مش عارفة فاتنى كام حلقة
ولا لسه قدامها كام حلقة
بس بجد جميلة جدا
وانتى ما شاء الله يا سمسم موهوبة جدا جدا جدا
والاغنية مع الاحداث ملهاش حل بجد

دمتى مبدعة حبيبتى

شمس النهار يقول...

ماشاء الله

بس جرعة الغم عاليه يااسماء

مستنين باقي ابداعك

تسلمي ياجميلة

Tears يقول...

مبتكرة فكرة الموسيقى :)


سانتظر البقية


تحياتى لمجهودك

kalam-wel-salam يقول...

يااااااااااااااااااااااااااااااه بقالى كتير من ساعة ما عديت سن المراهقة وانا مش ببكى لما اقرا قصة ولا فى موقف مؤثر فكرتينى بال>ى مضى تقبلى تحياتى لك

اسماء عبدالعزيز يقول...

لوسي الجميلة
انرتى المدونه والمقعد ياقمرى
هاتيلى معاكِ شويه فشار
يسلملى مرورك ياقمر وكلامك الراقي
كوني بخير

اسماء عبدالعزيز يقول...

رحاب صالح الجميلة
وحشتينى ياقمرى
الجاى اعقد انه غير متوقع بالمرة

دمت بكل الخير حبيبتى
هنا ستجدي سيل من المفاجآت
اتمنى ان تنال اعجابك
كوني بخير

اسماء عبدالعزيز يقول...

هبه فاروق الجميله وحشتيني ياسكر
بجد تسلميلي ياقلبي عل المتابعه وعلى كلامك الرقيق .. بجد يسلملى قلبك
اتمنى ان الجزء الجاى يعجبكم
كوني بخير دائما

اسماء عبدالعزيز يقول...

حبيبة قلبي الجميله وداد
انا اسفا يسكر ان الجزء دا حزين
لكن هعوضها ليكوا بعدين
اتمنى ان الجزء الجاى يعجبكم
حبيبة قلبي كوني بخير دائما
وفين الدكتورة الجميلة ولاء ..


كونا بخير

اسماء عبدالعزيز يقول...

حبيبة قلبي الحب الجميل بجد انا آسفا ياعمري .. حزنك اثر فيا بجد بس معايا لازم تجمدى قلبك شوية المشوار لسه والابطال
وهعوضهالك ياعمرى بجد الجاى افضل بكتيييييييييييير

بعشق رقة قلبك

على فكرة هاقولك على سر
بعض المشاهد وانا بكتبها كنت ببكي من احساسي بيها


كونى بكل الخير ياقلبي

اسماء عبدالعزيز يقول...

منى عبده الجميله اولا انرتى المدونه وزادها شرف بانضمامك لها
سعيده جدا بوجودك وانها نالت اعجابك
كما اتمنى ان باقيها ينال اعجابك ياقمرى
تقبلي باقه من اجمل ورود الكون لقلبك الجميل

كوني بخير حبيبتي

اسماء عبدالعزيز يقول...

كارمن الجميلة انرتى المدونه بمتابعتك يسكر
كوني بخير دائما

اسماء عبدالعزيز يقول...

توتا الجميلة وحشتيني كتيييييييييييير
تسلميلي على مرورك الجميل وكلامك الرقيق
اكيد هزور دموع القمر كي اعرف اعترافاتك يسكر
كوني بخير

اسماء عبدالعزيز يقول...

حبيبة قلبي حاجات جوايا
انرتي المدونه يسكر بمروك العطر وكلماتك الرقيقة
فكوني دائما بالجوار

يسعدني كثيرا متابعتك لهذا الجزء وارجو ان تتابعى باقيها لأنها رائعه وتستحق هذا

بالنسبه لذهابهم للمئزون ففي الحلقه القادمة سيكون الرد من خلال الاحداث
وارجو ان تنال اعجابك ياقمرى

بالنسبه للحلقات اللى فاتت

مختصرها ان حنين حلمت انها تبقى ممثله مشهورة وكان الحلم فيه جزء غامض اعتقد ياريت لو تمرى على الاجزاء بسرعه اولها مقدمه امنحيني عذرا وبعدين حلم وبعدين لقاء وبعدين شوق وحنين وبعدين كبراء وبعدين عتاب وبعدين مررت بخاطرى

عشان تشوفي احساسها مش شرط تعلقي عليهم ياقلبي

منورة بجد وهستنى دايما رايك يسكر
كوني بكل الخير والحب

اسماء عبدالعزيز يقول...

شمس النهار الرائعه الحنونه آسفا ياعمري
على كمية الحزن دي بس اعمل ايه .. مد الرواية عندى كان عايز كدا
هعوضهالكم اكيد ان شاء الله

دمت بكل الحب ياعمري

اسماء عبدالعزيز يقول...

تيرز الجميلة
منوره ياقمرى
سعيده انها نالت اعجابك ياقمرى
كوني بخير

اسماء عبدالعزيز يقول...

حبيبة قلبي الجميلة د. شرين سامي
تسلميلي ياعمرى على متابعتك وعلى مرورك العطر
بجد انا سعيده اوى انها عجبتك ولكن آسفا على المود الحزين ولكن

اتمنى ان تنال باقيها اعجابك ياقمرى
تقبلى منى اجمل ورود الكون لقلبك
واشكرك كتييييير على كلامك الرقيق
دمت بكل الحب ووالود
كوني بخير حبيبتي

اسماء عبدالعزيز يقول...

حبيبتي الجميلة الكاتبه الرقيقة آلاء عثمان
آسفا بجد ياعمرى على الحزن في الجزء دا ولكن اعمل ايه

يارب باقيها يعجبك ومليون سلامه عليكِ ياقمر

اسماء عبدالعزيز يقول...

كلام والسلام .. نورتي ياعمرى المدونه وسعيده
جدا انها نالت اعجابك ياقمري
كونى بخير دائما

وداد يقول...

الدكتورة ولاء يا سمسمة عند اختها التوأم

ان شاء الله أول ما ترجع هتدخل مدونتك على طووووووووووول

Prince-Palestine يقول...

سلام عليكم


ااول مرة ادخل مدونتك اسلوبك راقي ومدونتك ارقى


والحوار جد حساس يسلم احساسك

وكل سنة وانتم بخير

اسماء عبدالعزيز يقول...

حبيبة قلبي وداد
تسلميلي يسكر على ردك
وربنا يرجعها بالسلامة ويخليكِ ياقمري
دمت بحب

اسماء عبدالعزيز يقول...

اخي الكريم \ Prince-Palestine
اشكرك كثيرا على مرورك الكريم وكلامك الراقي
دمت بكل الخير

غير معرف يقول...

سمسمتى انا كتب حلقه جديدة
ابقى وقليلى رايك عليها اوك

وكمان مجتيش تشوفى الاعترافات

:(

استنى شوفى اللينكين دول اوك

http://demo3-alkamaar.blogspot.com/2010/12/blog-post_13.html

دموع والحان

http://demo3-alkamaar.blogspot.com/2010/12/blog-post.html

دى الاعترافات

تحيااااااااااتى

تغريد

أم هريرة (lolocat) يقول...

السلام عليكم

ماعنديش كلام اقوله غير الله يسامحك يا اسماء
فيه حد قالك انى ناقصة بكاء ولا اشجان :)

مش بحب مواضيع المرض والالم خالص

بجد خلتينى النهاردة ابكى من قصتك وكلماتك

اشكرك على الفيديوهات حبيبتى

يارب فى تألق دائم غاليتى

كلمات من نور يقول...

أبكيتني الليله

ولكن هذه هي الحياة

في انتظار الجديد وتوقعات الشخصية اخليها لكتاباتك و أشوف توقعاتي كانت هي والا لا وحاقولك إن شاء الله

اسماء عبدالعزيز يقول...

توتا الجميلة
وحشتيني ياقمرى
انا شفت الاعتراف بجد زى مانتِ دايما قمر والحلقه الجديده عجبتنى جدا
دمت مبدعه يسكر
كونى بكل الخير والحب

اسماء عبدالعزيز يقول...

ام هريرة الجميييييييييييلة
واخيرا نورتى هنا
انا مش راضيه انزل الجزء الجديد لانى بصراحه كنت بانتظارك ياقمر انتِ والدكتورة ولاء

بجد سعيده اوى بمرورك واعتذر عن الحزن ولكن

قال رسولنا الكريم

احبب من تحب فإنك مفارقةُ
وهذا هو حال الدنيا
لنرى ماذا سيحدث مع ابطالنا

اشكرك على كلامك الراقي ياعمرى
دمت بكل الحب

اسماء عبدالعزيز يقول...

كلمات من نور
انرتِ المدونه ياقلبي
واسفه على اغلى دموع
وانتظر رايك بالحلقه القادمة
كوني بخير دائما

Dr/ walaa salah يقول...

بجد يا اسماء

بقول ياريتني ما تابعت معاكي القصه

انا اكتر حاجه بكرهها في حياتي ان الموت يفرق بين اتنين بيحبوا بعض

ياريته كان خانها او سابها كان احسن

بجد الله يسامحك تعبتيني بجد


لو بس يرجع بيا الزمن مكنتيش هتشوفيني هنا خالص


بس مش هنسى طبعا اسلوبك الجميل اللي خلاني اندمج في القصه فعلا

ماشي يا سوسو لولا اني حبيتك هعديها وافتكر كلام ماما وبابا زمان لما كنا بنزعل لما نشوف قصص زي دي في الافلام

كانوا بيقولونا دول بيمثلوا متزعلوش دول عايشين مش ميتين

اسماء عبدالعزيز يقول...

والله انا بعشقك يا اجمل لولو بس اوعى بجد تكونى ندمانه
ماقدرش على الاحساس دا
طب بصي مجهزالك مفاجئة والله هتعجبك
كوني بخير وبحب