إجمالي مرات مشاهدة الصفحة

الثلاثاء، 30 نوفمبر 2010

( 7 ) خـلــــف الـجـــــــدار...


 حازم كان قلقان حتى بعد ماحكى له عادل على اللي حصل بينه وبين حنين
وكان سهران يفكر ياترى هيحصل ايه ؟ 

وهتيجي فعلا حنين ..
طب ولو عرفت انه المخرج هتعمل ايه ؟
فكر كتير..وقرر.. انها لازم ماتعرفش انه المخرج لحد ما العمل ينتهي...

 حازم من بدري راح مكان اللوكيشن .. ووصي فريق العمل أكنه مش موجود, وجه عادل وحنين لسه مجتش وعدى الوقت بتجهيز مشاهد
ويمر الوقت بطيئ على حازم
ولكن على عادل....؟
؟

فعلا اتأخرت حنين جدا .. فقرر عادل يروح المحل يسأل عليها ! قالوا إنها مجتش..
 كلم حازم وقاله.. حازم وصف لعادل بيت حنين وقاله روح لها ضروري واقنعها! وفعلا راح عادل على العنوان و..........رن جرس الباب ..

حنين بغرفتها وقافلة على نفسها و زعلانه من قرار جدتها! و يرن  جرس الباب تاني! وتخرج  كريمة:  لا حول ولا قوة إلا بالله (وتروح تفتح تلاقي شاب قدامها:  مساء الخير يا حاجه

كريمه:  أهلا وسهلا إتفضل

عادل دخل:  هي حنين موجودة ؟

كريمه: مين حضرتك ؟؟وعايز حنين ليه؟

عادل:  أنا (وعرفها بنفسه وقالها على العرض اللي عرضه على حنين)

كريمة: طلبك مش عندنا يابنى! إحنا ناس عايشين بشرفنا و.....

عادل قاطعها:  طبعا يا حاجه دا مش عايز كلام..  لكن افهميني دا دور محترم جدا و................... شرح لها كل حاجه ووعدها إن مافيش حاجه تحصل لحنين ممكن تخدش حيائها أبدا!!

ووافقت كريمه على مضض.. ونادت حنين اللي فرحت جدا ونزلت مع عادل وكمان
كريمه لإن دا كان شرطها تلازم حنين! ولما وصلو وشافهم حازم فرح جدا بس كانت فرحة عادل أكبر بمراحل ..........؟

وعملوا التست ونجحت حنين فيه وأخدت الورق بتاع  دورها عشان تحفظه والتصوير هايبتدي اول الاسبوع...وروحت حنين على بيتها وسابت الورق وخدت شاور وخرجت بسرعة على مروة ورنت الجرس .....؟

فتحت الباب واحدة لابسه جيب قصير وبلوزه والشعر الأشقر والميكب

حنين:  مروة موجودة؟

مروة:  أنا مروه يا حنين

حنين:  يخربيتك إيه دا ؟عملتي فنفسك إيه (مروه تلف قدمها توريها )

أوف يخربيتك بقيتي جامدا موت! إش إش .. وإيه الألوان الجميلة دي لا بجد إتغيرتي 180 درجه

مروه تضحك أوي:  ليه ماكنتِ بتقولي الوحش وحش

حنين: لااا وحش إيه دإنتِ حثالة

مروه:  إيه؟

حنين:  قصدي جامدة! ماتيجي دوغري وتقولي ناويه على إيه

مروه:  قولي إنتِ مالك فرحانة كدا ليه؟

حنين:  هاشتغل ممثلة

مروه تضحك بسخرية:  إنتِ

حنين:  إيه مانفعش؟

مروه:  تنفعي! كفاية جمالك ولو سنفروكِ شويه هاتبقي.. جامدا مووت

حنين: ماعلينا .. مش خير يعني؟

مروه بتوتر : خير ..باقولك إيه ماتخدي ياسمين معاكِ

بكره ساعتين بس

حنين: مانا بقول بردو .. خير.. رايحه فين ؟

مروه:  الجنة! قصدي التربة.. أزور قبر أبويا

حنين:  إن كان كدا ماشي.. ابقي هاتيها بس متتاخريش

مروه تحضنها وتبوسها أوي وحنين تبعدها وتقول كل دا عشان التربة!مش مرتحالك! يل سلام

 وسهرت حنين على الورق وبنفس الوقت كان حازم سهران بالبلكون يفكر فيها! و إزاي وإمته يقولها على الحقيقة و يا تري هيكون رد فعلها إيه ؟ وياترى هيستحمل لنهاية الفيلم عشان يقولها؟
؟
؟
ويكلم نفسه مالك يا حازم إنت وقعت ولاّ إيه ؟ما ياما أجمل منها وأغني منها ولا حد منهم قدر يحركك! لاا ... حنين بعيونها حياة مالها نهاية وبتاخدني بعيد أوي, بعدي معاها كل الحواجز والبحور! يتنهد:  ياتري هاتديني قلبك ولاّ خسرتك يا حنين؟

 أما عادل .............؟

وفي اليوم التاني مروة ودت ياسمين بنتها لحنين وهي لابسه العبايه السودا!
 عشان حنين ما تشكش في حاجة! و رجعت بسرعة على بيتها وغيرت ولبست طقم شيك جدا وظبطت شعرها وميكب وخرجت تقابل مجدي! 

و وصلت بالمعاد.. وكان مجدي بانتظارها لكن مايعرفوش شكل بعض.. 
 رن مجدي على موبيل مروة! ففتحت شنطتها عشان ترد عرفها مجدي فقام يقابلها وقعدوا وطلبوا عصير فريش و................

مجدي: إزيك عامله  إيه ؟أنا مكنتش متخيلك بالجمال دا

مروة عامله فيها تقيله و مكسوفة:  ميرسي(تكلم نفسها :الواد حلوقوي يابت .. هنيالك )
مجدي: ممكن تتكلمي ماتسكتيش أنا محتاج أسمعك

مروه تحاول تداري احساسها:  هاقول إيه ؟ إنت طلبت تشوفني وأنا جيت بس متأخرنيش عشان البنت عند صاحبتي

مجدي: طب ماجبتهاش معاكِ ليه؟

مروه:  ماينفعش

مجدي: إنتِ عايشه في بيت أهلك؟

مروه: لا في شقة جوزي الله يرحمه,  بس أهله بيطردوني  منها كل شوية  عايزين أسيبها عشان أخوه يتجوز فيها.

مجدي: طب ليه ؟..إنت مرات ابنهم وبتربي بنتهم

مروه بمسكنه: هاعمل إيه ناس معندهاش  ضمير! والمرحوم مكنش موظف حكومة ومافيش معاش! وأنا عايزة أشتغل عشان البنت! بدل ماحنا تحت رحمتهم مره يطلعوا ليا أكل وعشرة لا!

مجدي: معقول حد بجمالك يشتغل! فين أهلك؟

مروه: أنا يتيمة وأهلي كانوا ناس على قدهم! بس ماتوا من زمان.. اوي يعني

مجدي:  أنا عايش هنا لوحدي وأصلا من الصعيد ومش متجوز! إيه رأيك لو نتجوز؟ إنتِ إنسانه كويسة وأنا محتاج ونيس ليا!
بس أنا ظروفي على قدي! و مأجر شقة صغيرة في السيدة زينب ممكن نعيش فيها لو وافقتي! بس ظروفي ماتسملحش جواز ومهر وكدا

مروه: مش عايزة حاجه! أنا عايزة راجل! قصدي إنسان يراعيني أنا وبنتي......( تفتكروا ناوية على إيه المجنونة دي!)

ومر الوقت وكلام ووعود ووقع المسكين وصدق كلام أم ياسمين (مروه)؟ 

ورجعت مروة وغيرت هدومها وراحت جابت بنتها من عند حنين ومشيت بسرعة قبل ما حنين تفتح لها محضر!

وتمر الأيام وحنين كل يوم تروح تتدرب ويتابعها حازم من خلف الجدار .. فتحة صغيرة بين مكتبه .. بيشوف منها كل شيء.. وبعد مرور 15 يوم تدريب مستمر وكانت حنين بتتعلم بسرعة جدا!

 كل لحظة كانت بتمر تقيله أوي و مُميته بالنسبة لحازم! لأنه ملاحظ تقرب عادل منها ومحاولاته لاستمالتها وكمان للمسها بحجة تدريبها  والبنت ببراءتها مش فاهمة! وكل دا على أعصاب حازم  اللي كان بيغلي وعشان كدا قرر......؟؟
؟
؟
؟
؟
تابعوني

هناك 33 تعليقًا:

re7ab.sale7 يقول...

الله بجد عجبني الجزء ده ولو انه صغير شوية
مستنية الباقي
بتشوقيني بجد
إية ده هو انا أول تعليق والا اية...؟
صباح الورد

أشرف محيي الدين يقول...

الكاتبه المتألقه أسماء

أعتقد أن حلقة اليوم هي تمثل مفترق طرق بالنسبة للقارىء وتثير أمامه العديد من التساؤلات سواء من موقف حازم القادم أو ماقد يحدث بين عادل وحنين ... ليس أمامنا سوى الانتظار لمعرفة ما سيحدث انشالله تعالى .

دام قلمك المبدع دوما

الحب الجميل يقول...

اولا احيكى يا اسماء على كتابتك الرائعه
والحلقات كل مدى ما بتزيد تشويق

والله انا خايفه حنين تحب عادل وعادل يحب حنين وحازم يحب حنين
والدنيا تدخل فى بعضها وتتلغبط

ومروة دى طلعت مشكله كبيرة
موتت جوزها وقاعده مع الراجل تترحم عليه

تسلم ايدى يا حبيبتى
متابعه ان شاء الله
تحياتى

yasmeen يقول...

مروه فاقت كل التوقعات بصراحه

وحازم فاضل على الحلو تكه ويعترف ههههه

فى انتظار البقيه ..

دمتى بخير

Tears يقول...

خلاص ح نصبر و نستنى نشوف حازم ح يعمل ايه :)

هبة فاروق يقول...

حلقات مشوقة يا اسماء كل مرة
ابقى فى انتظار البقية مبدعة
يا قمر لكى منى الف تحية وسلام

هبة فاروق يقول...

نسيت اقولك حلو تدبيسة كرسى
الاعتراف ماشى طلباتك اوامر
سلام يا جميل

✿ ثلاثـہ أنامل وقلم ✿ يقول...

السلام عليكم ورحمة الله و بركاته

تسلم الأنامل ... عندي شكوك نفس شكوك الحب الجميل ... شكله الاصحاب راح ينخانئوا بالنهاية ... اما مروة يخرب بيتها هاي مو ناوية على خير ... يمكن الحلقة الجاية يجي محمد ... ننتظر البقية بشوووووووووووووق كبيـــــــــــــــر
غاليتي أسماء


✿ مودتي آختك الآء

وداد يقول...

الجزء دا جميل جدا

زي إللي قبله طبعا

مروة دي نهايتها سودة ان شاء الله

وحنين بقى ربنا معاها

الاتنين بيحبوها

اعتقد ان حازم هيظهر ومش هيقدر يستحمل اكتر من كده

وطبعا اول ما حنين هتشوفه هتمشي وهو هيجري وراها ويقنعها تكمل

وربنا يستر من تصادم عادل وحازم

هبة فاروق يقول...

ميس اسماء انا عملت الواجب التدوينى اللى علية
يا ريت اعرف رايك

شمس النهار يقول...

ماشاء الله الحلقه جميلة تسلم ايدك

بس ليه رجاء اعتبريه طلب من ست كبيرة حبتين تلاته

شيلي لفظ زباله وطلقه
كلماتك كالجواهر ماتحطيش الكلمات دي جمبها

عارفه انها لغة العصر لكن مش لازم نجاري لغة العصر دي
انتي كاتبه ماشاء الله ناجحه اعملي مفردات جميلة راقيه بدلها
وهي دي مسؤلية الموهبه اللي ادهالك ربنا

ربنا يوفقك
:)

أم هريرة (lolocat) يقول...

السلام عليكم ورحمة الله

سلمت يدك اختى الحبيبة
اتابع بشوق و ترقب للخاتمة

اسلوبك البسيط يجعل المتابعة هادئة وعير مغقدة

دمت بتألق ورقى اختى الغالية

Dr/ walaa salah يقول...

بجد يا اسماء حلقاتك كل يوم بتزيد جمال

بس الشئ اللي بينرفزني اوي فيها هى البت مروه دي

يا ساتر يارب بتقول على جوزها انه مات


ربنا يهديها يارب ويبعد شرها عن حنين

انا مستنيه اشوف يا اسماء حازم هيعمل ايه

تصدقي بقى صعبان عليا اوي


في انتظارك

شيرين سامي يقول...

لسه حالاً مخلصه قراءة القصه كلها و عجبتني جداً أسلوبك رائع و عامل التشويق أروع حقاً أبدعتي
عن نفسي بفضل أكتب القصص بالفصحى و الحوار بالعاميه لكن كنت مُستمتعه و أنا بقرأ قصتك بالعاميه و كأنها مُسلسل
لي فقط مُلاحظه واحده كلمة(مش)بعرف (مش)كذا بتفصلني من الأحداث لأنها تُشبه لغة الأطفال...
أُحيكي على ابداعك في الفكره و السرد و التشويق و حمد لله على سلامتك حج مبرور و ذنب مغفور ان شاء الله
تحياتي لكي و دمتي بحب و ود

اسماء عبدالعزيز يقول...

حبيبة قلبي رحاب
صباح الفل ياقمرى
طبعا منورة اول مقعد ياقلبي
انا سعيده جدا ان البارت دا عجبك
لكن استعدي للي جاى لأن الاحداث هتطور بسرعه جدا

لكن ياترى
كما هو متوقع ولاذ
انا ماعرفش
ايه رايك

كوني بخير ياعمرى

اسماء عبدالعزيز يقول...

اخي الكريم أشرف محيي
اشكرك كثيرا على حسن المتابعة وكلماتك الراقية

بالنسبه للجزء القادم هو يعتبر مهم جدااااااااا
وهيبقى مفترق طرق صحيح بس ياترى
مين هيبقى بطريق مين

ومين اللى هيقف دور المتفرج


دمت بخير

اسماء عبدالعزيز يقول...

الحب الجميل
تسلميلي ياقمر على مرورك الجميل
وكلامك السكر
ماهو بصي لازم نلخبط الدنيا في بعضها ونخلع احنا
ههههههههههه

مروة ماعرفش هتعمل ايه
بس يمكن ربنا يبعت حاجه توقفها
يمكن؟
؟
ولا


كوني بكل الخير دائما

اسماء عبدالعزيز يقول...

الحب الجميل

بج عجبتني اوى
قاعده تترحم عليه
ههههههههههههههه

تسلميلي ياقمرى على خفة دمك

اسماء عبدالعزيز يقول...

ياسمين حبيبتي
ازيك ياقمرى

فعلا فاضل على الحلو تكة
بس تفتكرى
بعد التكه هيحصل ايه
وهيرتاح
ولا
هيندم على .........

؟


الجزء الجاى مهم موووووووووت
كوني بالجوار

اسماء عبدالعزيز يقول...

تيريز الجميلة
منوره مدونتي ياقمرى
شكلك صبورة

ماشي


بس استنى

هيجي جزء جامد اوى

هتستعجلى اللي بعده بسرعه

دمت بكل الحب غاليتي

اسماء عبدالعزيز يقول...

هبه فاروق الجميلة
تسلميلي عل المتابعه ياقمرى
بجد منورة مدونتى
وبالنسبه للواجب
انا سعدت جدا باعترفاتك بجد انتِ انسانه جميلة ومرحه جدا

بس بلاش تدخلى جوه الموبيل
هههههههههههه
كوني بكل الخير حبيبتي الجميلة

اسماء عبدالعزيز يقول...

اختى الحبيبة ورقيقة المدونات الاء الجميلة
ثلاثة انامل الرقيقة
بجد وجودك بنر مدونتى وبيجعل لها طابع خاص

خلى بالك من الجزء الجاى الله يستر ويعجبك


بالنسبه لمروة

محدس عنده
لها

رقم
دكتور

نفساني

كوني بخير ياعمري

اسماء عبدالعزيز يقول...

حبيبة قلبي وادا الجميلة
وحشتيني ياقمرى
يسلملى زوقك ورقتك
انا سعيدة انها نالت اعجابك
اما مروة
هانشوف لها دكتور نفسانى

او يمكن
؟
؟

كوني بالجوار ياعمرى فمرورك لها طابع خاص
دمت بكل الحب

اسماء عبدالعزيز يقول...

شمس النهار الجميلة
لى الخر حبيبتي ان استمع لهمساتك
وجرى التعديل ياقمرى
عندك حق

بس ماعتقدش انك عندك حق فانك كبيرة حبتين تلاته
ممكن تكوى كبيره بالمقام وليس بالعمر
ههههههههه
كوني بكل الخير والحب حبيبتي

اسماء عبدالعزيز يقول...

ام هريره الجميلة
بونبوناية المدونه الرقيقة
بجد بستنى تعليقك ياقمرى
يسلملى مرورك وزوقك الجميل

معلش ان شخصيه مروة حساها منغصه عليكوا الحكاية
بس لازم يكون في كدا وكدا وكدا
اللي هو ايه بأه
ماعرفش
شكلى نسيت
هههههه

اسمعي خدى بالك من الجزء الجاى وعايزة رايك بجد
كوني بخير وحب وسعاده

اسماء عبدالعزيز يقول...

اهلا اهلا
لا بجد مش معقول
انت فين ياقمر
اتأخرتي البارت دا
دكتورة ولاء الجميلة

كدا بردوا يسكر

اتاخدتى غياب


شوفي ياستى
انا هعترفلك

بالنسبه لمروة


هيحصل لها

..

؟



وبعدين


سخيفه انا صح

صدقيني اعتقد ان الحلقه اللى جاية


هتكون


مميزة


دمت بكل الحب والود
كونى بخير ياعمرى

اسماء عبدالعزيز يقول...

الدكتورة الجميلة الرقيقة شرين سامي
نورتي يسكر المدونه وشكرا على مباركتك للحج وعقبال عندك ياقمرى
بالنسبة للروايه الحمد لله انها عجبتكويارب يفضل دا رايك للنهايه

لاحظوا انى بالنهاية عايزه تقييم مكم لرواية

ماشي

أه

بالنسبه للفصحى والعاميه
فعلا اسلوب كويس بس لما تيجي لشيء اتكتب عمى وانتهى وترجعى تحولية
بيختلف اسلوبه فتسقط منه بعض جمالياته

فهمتيني ياقمرى

المهم يسكر بالنسبه لمش كذا
هي بصراحه مش عجباني لكنه في لغوة محافظتنا ههههههههه

المهم فعلا انا بحاول اقللها وهشوف كدا واقدر امحيها م كتاباتي

كوني بخير حبيبتي وحب وود

اسماء عبدالعزيز يقول...

احبائي الكرااااااام

الرواية دي كتبتها من سنة

وبصراحة هي عزيزة على قلبي جدا

وبعد مامضيت عقدها مع مؤسسة صوت القلم العربي وكانو معجبين بيها

بدلتها برواية تانيه

اسمها

انثى بقلب رجل

وهى حاليا تحت الطبع

هتسألوا ليه عدلت عن طبع دي

عشان انزلها هنا

كي نتعرف على بعضنا من خلالها

وفي مجلة الابتسامه

كادوه لأصدقائي اللي بيتابعوني

مذ اكثر من عام ونصف

فاتمنى تعجبكم الهدية

كونوا بخير دائما

وسأكون بالجوار

karmen يقول...

الله عليكي وعلي اسلوبك روعة ماشاء الله
قصة هايلة تسلم ايدك في انتظار القادم باذن الله
تحياتي

ميس فلسطين يقول...

كيفك حبيبتي اسماء
ما شاء الله مواضيعك روعه
خليكي مستمره على طول لانو احساسك وكلامك جميللللللللللل
تحياتي

ميس فلسطين يقول...

كيفك حبيبتي اسماء
ما شاء الله مواضيعك روعه
خليكي مستمره على طول لانو احساسك وكلامك جميللللللللللل
تحياتي

اسماء عبدالعزيز يقول...

حبيبة قلبي كارمن الجميله
يسعدنى مرورك يسكر
اشكرك على المتابعه وكلامك الجميل
كونى بخير حبيبتي

اسماء عبدالعزيز يقول...

ميس فلسطين

اهلا اهلا بالرقيقة الجميلة

بنت فلسطين الرائعه
يسعدني مرورك يسكر وكلامك الرقيق
على فكرة انا لى اربع صاحبات من فلسطين وبعشقهم جدا نعتبر اخوات

وستنضمى اليهم

كوني بخير ياعمري