احبائي البوست دا
لازم لازم
تقروه على
انغام الفيديو دا
وبين صور الفيديو لو ركزتوا
هتعرفوا البوست الجاى بيقول ايه
؟
شو بني
ياترى مين بيقولها لمين ؟
؟
بسرعة راح كريم على السرير ..
وسحب ملاية السرير ولف نفسه وحنين, وخرج بسرعة من وسط النار!! وبدأت تشتعل أكتر وصوت الانفجارات المتتالية
وبسرعة كانت عربية النجدة لما سمعوا الانفجارات وشافوا الدخان بلغوا الإسعاف والمطافي!
وسيطروا على الوضع! ونزل كريم على السلم بسرعة ..
وشايل حنين زي الطفلة بين إيديه رغم وزنها بحملها ..
ووصل العربية..
وبسرعة ركبوهم ومشيت العربية ووصلت المستشفي بحالة إختناق وكريم حروق بجسمه مش كتير! وأسعفوا حنين اللي كانت على بعد خطوة من الموت! وعملوا اللازم لكريم الي كان مجهد جدا جدا ..
أما عم عبده توفى.. والإتنين اللي كانوا معاه جروحهم خطيرة!لأنهم
تعرضوا للانفجار مباشرة وكمان كسور!حصلت لما ضغط الغاز والنار رماهم على السلم!!!
وجه الضابط ياخد أقوالهم ماعرفش! راح لكريم اللي كان بغرفة حنين ودراعه مربوط ووشه عليها ضماضات!
الضابط أخد أقوال كريم اللي حكى له كل اللي حصل.. وبنفس اللحظة دخل عادل: في إيه ؟ وبص لكريم بدهشة ووجه له الكلام: إنت بتعمل إيه هنا؟ (كريم بص في الأرض ومردش
الظابط: حضرتك مين ؟
عادل: جوزها
الظابط: حكى له اللي حصل وسأله مين اللي تسبب في إهمال مواسير الغاز والضرر اللي حصل
عادل جاوب إجابة خلت كريم رمقه بنظرة ناريه ووعيد مُخيف ..............
عادل: يا حضرة الضابط مافيش في البيت غير أنا وحنين والشغالة في أجازة! أنا أتهم حنين إنها تسببت فكل دا بإهمال منها! من يوم ماحصل الحمل وهي بقت تنسى كل حاجة ومش مركزه خالص!
وأحيانا تسيب حاجات على النار وتنساها وتنام , وكذا مرة أنبه عليها! وهي ما بتسمعش الكلام وبتغير من حتة شغالة..
وكل شوية مشاكل وتقولي مشيها! والبنت مسكينة باضطر أديها أجازه عشان حنين نفسيتها تهدى شوية ! أنا قولت لها ميت مرة ..
ماتعمليش حاجة وأنا هاجبلك كل حاجه جاهزة أدام مش عايزة شغالة! مافيش فايده فيها!ما بتسمعش الكلام!بس لحد كدا كفاية أنا مش عارف آخر الاستهتار دا إيه!
كريم: يا حضرة الضابط أنا لاقتها نايمه على السرير والمطبخ فاضي
عادل بعصبية: وسيادتك كنت في بيتي بتعمل إيه؟
كريم: أنا مكنتش في بيتك أنا دخلت من شباك المطبخ
عادل بسخرية: يعني شغال عندي ورايح تسرقني! إثبت دا عندك يا حضرة الضابط
كريم: أنا دخلت لما لاقينا ريحة الغاز خارجه من بيتك وسمعت كحة الهانم وعرفت إنها في خطر
عادل بتهكم: هه .. والكحة دي بأه سمعتها وإنت في اللوكيشن؟
كريم: أنا كنت رايح لحنين هانم عشان أتناقش معاها في حاجة في الشغل
عادل: يبقى كنت رايح تسرقني بردوا! لما تروح لمراتي على البيت وانا مش موجود! الشغل مكانه في مكان الشغل مش في البيوت, اعتبر نفسك مطرود.
الضابط لعادل: هدي أعصابك يا عادل بيه! وياريت تعدي علينا نكمل المحضر! وخرج الضابط
(وبص لحنين وبغضب هائل: للأسف نجيتي المرادي! بس تأكدي المرة الجاية مش هتعدي منها أبدا!و جاي يخرج .....
حنين: عادل أنا فين؟
عادل إلتفت لها وبخبث و ابتسامة مصطنعة: حمد لله على سلامتك ياحبي! إنتِ في المستشفى
حنين اتخضت وحطت إيدها تطمن على حملها ودا غاظ عادل أكتر وبجهد كبير من عادل عشان يداري اللي جواه يقول: إنتِ بخير وإبننا هيفضل بخير!
حنين: إيه اللي حصل ؟
عادل: ولا حاجة!زي كل مره نسيتي حاجة على النار أو البوتجاز مفتوح!والشقة اتحرقت كلها
حنين باستغراب: زي كل مره! هو أنا أصلا بدخل المطبخ ولا باكل في البيت يا عادل
عادل: بردوا هتنسي ؟!
مش مشكلة فداكِ ياروحي! أنا هامشي دلوقتي لأني عندي شغل وبعدين أنا مشيت كريم لأني لاقيته مش كويس تخيلي كان بيراقب شقتنا عايز يسرقها ولولا اللي حصل ماكُناش هنكتشف كدا! يل سلام
(وراح على الباب ولسه ها يفتح الباب )
حنين: عادل!
(إلتفت لها)
: ميرسي إنك أنقذتني وماهُنتش عليك
عادل: مهما كان اللي بينا يا حنين..
أنا بحبك ..
ومش هيأس إنك تحبيني!
(وخرج وقفل الباب وكمل بقسوة وإصرار: مش هيأس أبدا إنك تموتي! قررتي تحتفظي بحازم للأبد يبقى حكمتِِ على نفسك بالموت!
هاخدمك خدمة العمر ..
وأبعتك كادوه إنتِ واللي فبطنك لحبيب القلب (وإبتسم بخُبث وكمل) في أحلى من كدا هدية؟!
هاخدمك خدمة العمر ..
وأبعتك كادوه إنتِ واللي فبطنك لحبيب القلب (وإبتسم بخُبث وكمل) في أحلى من كدا هدية؟!
(وعليت ضحكته وركب عربته ومشى بسرعة وكأنه ب يدوس على الدنيا كلها تحت رجليه! أما حنين حاولت تقوم مش قدرت اتفتح الباب دخلت الممرضة وادتها بعض الحقن والأدوية وطمنتها على حالتها والجنين
حنين:مين اللي جابني هنا ؟
(وبنفس اللحظة دخل كريم من الباب ووقف
بصت الممرضة لحنين وقالت: هو دا! وخرجت وقفلت الباب )
كريم بحزن لحنين: أنا آسف! أنا جاي أطمن عليكِ و......قاطعته حنين
حنين: تعالى كريم اقعد هنا
كريم: أنا آسف مش هاقدر! أنا مش عايز أسبب لحضرتك أى مشاكل
حنين: إنت كنت جاى على البيت ليه؟
كريم: كنت عايز أكلمك بخصوص الشغل! أنا دلوقتي مطرود يعني لو قولتلك كنت جاي أقولك إيه ؟
هاتقولي تصفية حسابات عشان جوزك طردني!
وأنا ..................................؟
هاتقولي تصفية حسابات عشان جوزك طردني!
وأنا ..................................؟
ماقبلش حتى مجرد التفكير في كدا!
أنا صحيح على قدي لكن ماعنديش إلا كرامتي
(دا كله وهو بيهرب بعيونه منها!وهيه كانت قاعده بسريرها وسانده ضهرها على المخدة ونظراتها لكريم غير مفهومة!)
حنين: عادل مش جوزي يا كريم! باقولك إيه..
ممكن تخرجني من هنا ؟
ممكن تخرجني من هنا ؟
كريم: ممكن يكون خطر عليكِ عشان الحمل!
حنين: بتعرف تسوق؟
كريم: أه
حنين: بالليل تعالى نمشي من هنا ونروح مكان نتكلم فيه! موافق
كريم: طبعا
حنين: روح دلوقتي .....!! (سكتت حنين ونظرات الإمتنان لكريم ونادته: كريم
كريم: نعم
حنين: الجروح دي كلها بسببي أنا
كريم بابتسامه حنونة وتنهيدا: ماتشغليش بالك! المهم إنك بخير..
حنين إبتسمت وخرج كريم
أما بقسم الشرطة
كان ازدحام من الصحفيين والكل مُتلهف يعرف إيه اللي حصل للنجمة الصاعدة حنين!وبعد عمل التحريات وشهادة حسنيه اللي ثبتت إن كريم اللي أنقذ حنين وطبعا أول ما خرجت حسنيه اتجمعوا حواليها الصحفيين..
وبقى ليها أهمية.. وتحكي حسنيه وتوصف اللي عمله كريم الوجه الجديد اللي لسه محدش شاف له أي عمل لكن صورته كانت على أفيشات الفيلم اللي كان ب يتصور! ( فيلم السحرُ بعينيكِ.. خليكوا فاكرين الاسم دا) ! وتكتب الصحف كريم ......! والخبر ينزل بالصحف بكرة!
وجه الليل وراح كريم لحنين ومعاه عربيه حمرا كحيانة جدا بتاعة يوسف! وكانت حنين مستنياه وكانت أفضل من الأول! وأول ماشافته إبتسمت برقة
كريم: آسف إتاخرت عليكِ! أصل عربية الواد يوسف خيبه أوي وغلبتني طول الطريق
حنين: غلبتك عشان هيه وحشة ولاّ عشان إنت مابتعرفش تسوق ؟
كريم وشه احمر و متلخبط أوي: لا والله بعرف أسوق بس........
حنين: إيه؟ بهرج معاك! يل واقف ليه
كريم متلخبط: أعمل إيه ؟
حنين: إسندني ووعى توقعني
كريم وشه أحمر وعرقان وقرب منها وسندها ونزلها وهو مش قادر.. إحساس رهيب! تحب إنسان وهو عنك بعيد.. مُحرم عليك.. تقرب منه.. تستنشق عطره.. تلامس جزء منه! يتداعى الكيان المسكيين.. ونيران الأشواق تلهب الأجساد.. والحنين يملى العيون .. وتسأل إمته اللقى يكون..
(تفتكروا ممكن يكون؟ )
حنين: كريم..... كريم ....( وقت ما سيطرت على كريم أحاسيسه وهربت بيه لمكان بعيد! جزيرة بأجمل البحور!هو وهي وموسيقاهم تغريد الطيور ويسمع أجمل الكلمات وأرق العبارات من حنين ويقولها بحبك ).......!فوقته حنين تناديه كريــــــــــــــم!بص لها وعيونه كلها حنين ودموع لأن دا كله كان مجرد حلم بخيال كريم..( رد بصعوبة بالغة من شدة تأثره بيها: نعم
صوت: بدري كدا..دانت مستعجل أوي! طب إستنى شوية!
( الجملة دي كانت من عادل اللي كان واقف قدامهم.. وكانت مفاجئة صاعقة لحنين وكريم!
عادل يكمل بسخرية: مستغربة ليه!
أنا توقعت كدا! الزمن بيعيد نفسه مع تبادل الأوضاع ..
زمان تاخدي حازم وتهربي بيه!
ودلوقتي ياخدك الصعلوق ويهرب بيكِ
أنا توقعت كدا! الزمن بيعيد نفسه مع تبادل الأوضاع ..
زمان تاخدي حازم وتهربي بيه!
ودلوقتي ياخدك الصعلوق ويهرب بيكِ
(كريم بانفعال: اخرس)
عادل: ماتقولي يا هانم على فين ؟؟
حنين: وإنت مالك!إنت مالكش حكم عليا بعد ما حاولت تقتلني!
عادل طلع مسدس من جيبه كاتم للصوت وقرب منهم ..
؟
؟
؟
تابعونى
هناك 33 تعليقًا:
عزيزتي اسماء
كل سنة وانت طيبة
هو شر عادل مش حيكمل ولا ايه
خلصينا بقى ابوس ايدك انا تعبت كده مالياش في المسلسلات الطويلة
جميلة قوي يسلم قلمك حبيبيتي
حبيبة قلبي شهرزاد
وانت بالف صحه وسعاده
قربت تنتهى ماتقلقيش
والله انا نزلت البوست بسرعه عشانكم
دمت بحب ياقلبي
اقول ايه خلاص عرفتي راي و احساسي باللي بتكتبيه مش كل مرة اكرر كلامي مستنية الحلقة الجديدة
تسلم ايدك
حبيييييييييبه قلبىواحشااااااانى كتير انا اسفه مقصره معاكى قوى بس امتحاناتى :(:(
فاتنى كتير بس اكيد هقراها
ومن غير مااقرا انت عارفه راى فى كتاباتك يااحلى مبدعه فى الدنيا
حلمت بيكى من يومين ومن ساعتها واحشانى قوووووووووووى
هتنزلى امتى :(:(:(
انا نزلت حلقه جديدة قولى رايك
كل سنة وانت بخير وسعادة ويارب عام جديد سعيد عليك انت واسرتك
انا متغاظة من عادل ده اووي ...
البوست جميل جدا كالعادة ومستنية الباقي بسرعة
وبسرعة اووي بقي عشان انا بذاكر وكدة مش هينفع
ههههههههه
تحياتي لقلمك المبدع
اه نسيت اقولك صعلوق بالكاف وليس القاف...صعلوك...تصحيح بس
دمت بخير وبأبداع
ازيك يا سمسمه الأول
كل سنة وانتي طيبة يا قمر
وان شاء الله السنة دي تكون سنة سعيدة وتحققي فيها كل إللي تتمنيه
حلقة النهاردة بقى رووووووووووووعة
ايه التشويق ده
متوقعتش انه عادل يمسكهم وهما خارجين
الله يخرب بيته هو مش هيسبها بقى ولا إيه
اعتقد بقى يا سمسمه انه هيحاول فعلا يضرب حنين بالمسدس
لكن هتيجي غلط في كريم
وتصرخ حنين ويهرب عادل
مستنية الجزء الجديد بفارغ الصبر
كل سنة وانتي متألقة دايما بقصصك الجميلة
عيطتيني :(((
ربنا يستر عليهم بقي
مش تتأخري علينا في الحلقة الجاية ياحبي
السلام عليكم حبيبتى اسماء
كل سنة وانت بخير ياغالية
انا من امبارح عمالة اسمع ضرب وقتل ودمار
وخلالالاص بجد قلبى وجعنى اوى
وجه سى عادل وكمل علينا هههه
واضح ان الاحداث فى النهاية لان الشر لما يكتر كده بتكون الاحداث فى اخرها
فى انتظار بقية الاحداث
متابعة باستمرار
سامجينى بس التعليقات هى اللى بتتاخر منى :) لانى على ما اقرأ البوست..الا قى الف حاجة اعملها بتأخرنى فى التعليق لكنى متابعة ان شاء الله
موفقة حبيبتى
تحياتى لك
اسفه على تاخيرى
جميله يا اسماء ما شاء الله
متابعاكى يا حبيبتى
عندى كلام كتير عايزة اقوله على الحلقه بس الكلام رايح منى
متابعه
منى ابوالسعود الجميلة
عام جديد جعله الله عليكِ وعلى اسرتك سعيد واعطاكِ الله ماتتمنى
حبيبتى يشرفنى دائما متابعتك
دمت بكل الحب
حبيبة قلبي توته
وحشتينى جدا ياقمرى
بخصوص نزولى والله لسه ماعرفش ربك يسهل ياقمر
خدى بالك من نفسك وشدى حيلك في الاختبارات
ربنا معاكِ
كل سنه وانت طيبه ياقمرى
الحلقه بتاعتك كتير حلوه وكثفتيها اكتر
برافو عليكِ
كونى بخير
حبيبة قلبي الجميلة رحاب صالح
كل سنه وانت بالف صحه وسعادة ويارب تنولى فيها كل اللى بتتمنيه ياقمرى
سعيده جدا بوجودك ومتابعتك يسكر ومعلشي على صعلوك زحمة كلااااا
كلام يعنى
ههههههههه
هابعتلكم الحلقه الجديده باسرع وقت لانى هتاخر شويه فى اللى بعدها
ربنا معاكِ ياقمرى
حبيبة قلبي الجميلة وداد
بجد الله يسعد ايامك يارب ويعطيكِ كل اللى بتتمنيه ويجعله عام السعاده على قلبك الجميل
اولا سعيده جدا انها عجبتك يسكر
اما عن التوقع فاااااااا
؟
؟
بجد انتِ جميلة
كونى بخير يسكر
وربي يحفظك من كل شر
حبيبة قلبي كارمن الجميلة
آسفا كتير لدموعك ياقمرى
ربي يسعد قلبك الجميل
ويجعله عام السعاده والهناء لكِ ان شاء الله
هبعت الحلقه بكرة ان شاء الله هحاول
كونى بكل الخير والحب
حبيبة قلبي الجميلة ام هريرة
ربي يسعد قلبك ويسعد ايامك
كل سنه وانت بالف صحه وسعاده
والله يجعله عام السعادة ويعطيكِ ماتتمنى يارب
مجرد وجودك يعطي المدونه طابع مميز
سعيده جدا ان الحلقه عجبتك ياقلبي
كونى بكل الحب والود
حبيبة قلبي الحب الجميل
ربي يسعد قلبك وايامك
كل عام وانت بخير حال واعطاك الله ماتتمنى
بصراحه ياقمرى يكفينى وجودك لانى بنظره بجد
يسلملى احساسك وطيبة قلبك
حفظك الله ورعاك جعا هذا العام عام الخير عليك وعلى عائلتك
كونى بكل الحب والود
قصة في منتهي الروعة والتشويق
انا متلهف مستني اقرا باقيها
اسلوبك رهيب يا اسماء
هو عادل هيفضل كده كتير يغرب كل اللحظات الحلوه لما كريم انقذها وقاعد في المستشفى ودلوقتي لما بيحاول يخرجها دايما ما نلحقش نفرح بدقيقتين حلوين فرحينا بقى وخلصينا من عادل
مستنين البقيه
جميلة اوى اوى رومانسيتك يا سمسم
بحب اوى اللحظات الرومانسية اللى بتوصفيها بين الابطال
بتنسينى شر عادل شوية
وتغيظنى منه كتير عشان بيبوظها
هههههههه
مشاعر كريم عاجبانى اوى
ومنتظرة مبادلة حنين
دمتى مبدعة حبيبتى
كل سنة وانتى طيبة
قصه طويله بس مسليه وروعه
والاغنيه انا بحبها كتير
يسلمو حبيبتي
اسماء حبيبتي
فينك مختفية
طمنينا عليك
ومتسيبيناش متعلقين كدة ف الرواية...
المهم تطمنينا عليك انت
وعلي صحتك واخبارك
لا الحلقة دي قصيرة
ضحكتي علينا
الحلقة الجايه تبقا اطول
ماااااااشي
:))
اسماء
انتى فينك
مش باينه ليه ؟؟
خير ان شاء الله
ابقى طمنينى عليكى
لعل المانع خير
أسماء وحشتيني اعذريني مشوفتش الحلقه غير دلوقتي و أنا جيه أطمن عليكي الحلقه جميله جداً كالعاده و الرومانسيه مالهاش حل:)
يا رب تكوني بخير في انتطارك يا حبيبتي
اخى الكريم مصطفى سيف
اشكرك كثيرا على المرور الكريم وحسن المتابعه
وكلامكم الراقي
دمت بكل الخير
اخى الكريم ENG SMSM
اشكرك كثيرا على حسن المتابعه وعلى كلامكم الراقي
فكهذا دوما الحياه
كا الرياح تاتى بما لا تشتهى السفن
دمت بخير حال
حبيبه قلبى الجميلة حاجات جوايا
انا سعيده جدا انها نالت اعجابك ياقمرى ويسلملى زوقك واحساسك وكلامك الرقيق
دمت بكل الحب
حبيبة قلبي الجميله ميس فلسطين
اشكرك على المتابعه ياقمرى واتمنى دوما انها تنال اعجابك يسكر
دمت بكل الحب
حبيفلبى الجميلة رحاب
اشكرك ياقلبى على سؤالك
الحمد لله كويسه بس كان عندى ظروف صحيه ويمكن تطول شويه
لكن اكيد مش هتاخر تانى بالروايه
يسلملى قلبك الجميل
دمت بكل الحب
حبيبة قلبي شمس النهار الجميلة
سعيده انها نالت اعجابك جدا والحلقه الجايه هتكون حلقتين ياقمرى مع بعض عشان اعوض التأخير
دمت بكل الحب
حبيبة قلبى الحب الجميل
بجد عاجزه عن الشكر لسؤالكم عليا
انا بحبكم جدا
كان عندى ظروف صحيه والحمد لله
وكمان عندى مشكله في النت
اشكرك حبيبتي على طيب فلبك واحساسك
كونى بخير وحب
حبيبة قلبي الجميلة
شرين سامى
وحشتينى ياقلبي وسعيده انها عجبتك يسكر
انا الحمد لله كويسه دلوقتى اشكرك ياعمرى على السؤال والمتابعه
كونى بخير وحب
بجد الروايه حلوه وشداني اوي ياااااااه فين كريم في الزمن ده
ديما ابداعك متواصل وللافضل
إرسال تعليق